Roger Ebert

in Wikipedia, die vrye ensiklopedie
Jump to navigation Jump to search
Roger Ebert
’n Beeld van die betrokke persoonlikheid.
Ebert in 2006 in ’n onderhoud met Sound Opinions.

Geboortenaam Roger Joseph Ebert
Gebore (1942-06-18)18 Junie 1942
Urbana, Illinois, VSA
Oorlede 4 April 2013 (op 70)
Chicago, Illinois
Beroep Resensent, joernalis, skrywer
Webblad www.rogerebert.com

Roger Joseph Ebert (18 Junie 19424 April 2013) was ’n Amerikaanse resensent, joernalis, skrywer en rolprenthistorikus. Hy was van 1967 tot met sy dood in 2013 ’n resensent vir die Amerikaanse koerant Chicago Sun-Times.[1]

In 1975 was hy die eerste persoon wat ’n Pulitzerprys vir resensies ontvang het.[2] In 2010 was sy resensies aan meer as 200 koerante in Amerika en oorsee gesindikeer. Hy het meer as 20 boeke en tientalle saamgestelde resensies gepubliseer.

In 2005 was Ebert die eerste resensent wat ’n ster op die Hollywood Walk of Fame gekry het.[2] Neil Steinberg van die Chicago Sun-Times het gesê Ebert "was ongetwyfeld die land se belangrikste en invloedrykste rolprentresensent".[3]

Ebert het van 2002 kanker gehad en sy laer kakebeen moes verwyder word, waarna hy nie kon praat of normaal eet nie. Hy het egter tot met sy dood op 4 April 2013 aanhou skryf en publiseer.[3]

Verwysings[wysig | wysig bron]

  1. RogerEbert.com”. RogerEbert.com: 13 October 2004. URL besoek op 24 Julie 2011.
  2. 2,0 2,1 Rousseau, Caryn (4 April 2013). "Roger Ebert, first movie critic to win Pulitzer, dies at 70". The Salt Lake Tribune. 
  3. 3,0 3,1 Steinberg, Neil (4 April 2013). "Roger Ebert dies at 70 after battle with cancer". Chicago Sun-Times. Geargiveer vanaf die oorspronklike op 16 Desember 2014.