Mercer-lewensgehalte-opname

Die Mercer’s Quality of Living Survey is ‘n ranglys van stede in die wêreld wat die hoogste lewensgehalte aan sy inwoners bied.

Opname[wysig | wysig bron]

Alhoewel die beoordeling so objektief as moontlik uitgevoer is, moet in gedagte gehou word dat dit uit ‘n Westerse agtergrond saamgestel is. Die opname analiseer die lewensomstandighede in ‘n paar honderd stede wêreldwyd aan die hand van ‘n wye verskeidenheid faktore. Hiervan is die belangrikste onderwerpe en faktore

politieke stabilitiet, misdaad, wetstoepassing
bankdienste, valutabeheermaatreëls
mediese dienste, voorkoms van aansteeklike siektes
beperkings op persoonlike vryheid, sensuur
gehalte van staatsonderwys, beskikbaarhied van privaat- en internasionsle skole
algemene lewensduurte
beskikbaarheid van ‘n verskeidenheid van kruideniersware, vars voedsel (vleis, brood, groente, vrugte)
geskikte behuising, meubels, kombuisapparate en hersteldienste
betroubare elektrisiteits- en watervoorsiening, rioolstelsel en vullisverwydering
aanwesigheid van openbare vervoer, gehalte van paaie, verkeersknope, modelle nuwe en tweedehandse motors te koop
restaurante, teaters, flieke, sportgeriewe, sosiale klubs (soos bv. Rotariërs)
klimaat, natuurskoon, besoedeling, voorkoms van natuurrampe

Gebruik[wysig | wysig bron]

Hierdie indeks word gebruik deur mense wat beoog om te emigreer en deur internasionale maatskappye en regerings wat personeel na die buiteland uitplaas sodat die mense ‘n besef kan kry van die veranderinge in lewensomstandighede wat hulle kan verwag.

2023-indeks[wysig | wysig bron]

In volgorde was die eerste 12 stede op die lys vir 2023 die volgende: Wenen, Zürich, Auckland (Nieu-Seeland), Kopenhagen, Genève, Frankfurt, München, Vancouver, Sydney, Düsseldorf, Den Haag en Wellington (Nieu-Seeland). Die stad in Afrika met die hoogste puntetelling is Victoria in die Seychelle op die 98ste plek. Kaapstad is op 102, Johannesburg op 105, Durban op 110, Windhoek op 139, Gaborone op 146 en Lusaka op 160. Khartoem in Soedan op 241 sluit die lys af.

Lees ook[wysig | wysig bron]

Eksterne skakels[wysig | wysig bron]

webwerf