Merina

in Wikipedia, die vrye ensiklopedie
Jump to navigation Jump to search
Merina
Malagasy girls Madagascar Merina.jpg
Merina-meisies
Totale bevolking: 5 miljoen, 27% van bevolking[1]
Belangrike bevolkings  in: Madagaskar
Taal: Malgassies
Geloofsoortuiging: Christenskap (Katoliek, Protestants) gemeng met tradisionele geloof[2]
Verwante etniese groepe: Betsileo; ander Malgassiese groepe; Austronesiërs

Die Merina, ook bekend as die Imerina, Antimerina of Hova, is die grootste etniese groep in Madagaskar.[3][4] Hulle kom op die sentrale plato van die eiland voor en is een van die land se 18 amptelike etniese groepe.[5][6] Hulle is van gemengde oorsprong, hoofsaaklik van Maleis-Indonesiërs wat voor die 5de eeu n.C. op die eiland aangekom het en Arabiere, Bantoevolke en ander etniese groepe wat hulle later gevolg het.[7] Hulle praat die taal Merina, een van die dialekte van Madagaskar se amptelike taal Malgassies.[7]

Die Merina kom hoofsaaklik op die hoogland in die middel van die eiland voor (die voormalige Antananarivo-provinsie). Sedert die laat 18de eeu het Merina-monarge hul politieke mag van hul hoofstad, Antananarivo , oor feitlik die hele eiland uitgebrei. Koning Radama I het eindelik die hele eiland onder sy mag verenig. Frankryk het twee keer oorlog teen die Merina gemaak, in 1883-1885 en in 1895, voor hulle die eiland in 1895-'96 gekoloniseer en die Merina-monargie in 1897 afgeskaf het.[7]

Die Merina het teen die 18de eeu ’n uitgebreide besproeiingsinfrastruktuur en hoogs suksesvolle rysplase tot stand gebring op die plato van Madagaskar.[3] Hulle het verskillende kastes gehad, loopbane geërf en endogamie beoefen.[8]

Verwysings[wysig | wysig bron]

  1. Jay Heale; Zawiah Abdul Latif (2008). Madagascar. Marshall Cavendish. p. 64. ISBN 978-0-7614-3036-0. 
  2. Rebecca L. Green (1997). Merina (Madagascar). The Rosen Publishing Group. pp. 20, 28–29. ISBN 978-0-8239-1991-8. 
  3. 3,0 3,1 Merina people, Ethnic Groups of Madagascar, Encyclopædia Britannica
  4. Anthony Appiah; Henry Louis Gates (2010). Encyclopedia of Africa. Oxford University Press. pp. 104, 167–168. ISBN 978-0-19-533770-9. 
  5. Bradt & Austin 2007.
  6. Ogot 1992.
  7. 7,0 7,1 7,2 John A. Shoup (2011). Ethnic Groups of Africa and the Middle East: An Encyclopedia. ABC-CLIO. pp. 180–181. ISBN 978-1-59884-362-0. 
  8. Gwyn Campbell (2005). An Economic History of Imperial Madagascar, 1750-1895: The Rise and Fall of an Island Empire. Cambridge University Press. pp. 120–124. ISBN 978-0-521-83935-8. 

Bibliografie[wysig | wysig bron]