Merkaptaan

in Wikipedia, die vrye ensiklopedie
Spring na: navigasie, soek

'n Merkaptaan of tiol is 'n organiese verbinding met die funksionele groep R-SH.

Dit is die swawelweergawe van 'n alkohol (wat R-OH bevat) en daar is ooreenkomste in die chemie van tiole en alkanole, maar daar is ook verskille. 'n Opmerklike verskil is die reuk. Tiole kan verskriklik stink en die weergawes met seleen en telluur is nog erger. Klein hoeveelhede metaantiol word daarom aan aardgas bygevoeg om mense te waarsku indien daar 'n gaslek is.

'n Ander verskil is dat die R-SH-groep minder waterstofbinding ondergaan as R-OH. Dit maak tiole vlugtiger as hulle ooreenkomstige alkohole.