Michail Kalasjnikof

in Wikipedia, die vrye ensiklopedie
Spring na: navigasie, soek
Michail Kalasjnikof
’n Beeld van die betrokke persoonlikheid.
Michail Kalasjnikof in Desember 2009 in die Kremlin, Moskou.

Geboortenaam Michail Timofejewitsj Kalasjnikof
Gebore 10 November 1919
Koerija, Altai-krai
Oorlede 23 Desember 2013 (94 jaar oud)
Izjefsk, Oedmoertië
Nasionaliteit Russies
Titel Luitenant-generaal
Beroep Wapenontwerper
Russiese militêr
Bekend vir Die ontwerp van die AK-47 en
AK-74
Eerbewyse O.a. Held van die Russiese Federasie (Goud)
Huweliksmaat Jekaterina Kalasjnikowa

Luitenant-generaal Michail Timofejewitsj Kalasjnikof (Russies: Михаи́л Тимофе́евич Кала́шников; 10 November 191923 Desember 2013) was ’n Russiese wapenontwerper wat veral bekend was vir die ontwerp van die AK-47.

Klasjnikof is in 1938 deur die Rooi Leër opgeroep as ’n tenkdrywer en –werktuigkundige. In Oktober 1941 is hy gewond en vir ses maande huis toe gestuur om te herstel. Daar het hy ander soldate hoor kla oor die Sowjet-gewere van destyds. Hy is daardeur geïnspireer om ’n nuwe handmasjiengeweer te ontwerp.[1]

Hoewel sy eerste en ’n latere poging nie sukses behaal het nie, het hy in 1946 aan ’n kompetisie deelgeneem om ’n aanvalsgeweer te ontwerp.[2] Sy inskrywing, genoem "Michtim" (van Michail Timofejewitsj) het gewen en die prototipe geword vir die ontwikkeling van ’n reeks gewere.[3]

In 1947 het hy die AK-47 (Awtomat Kalasjnikof 1947) ontwerp. In 1956 het dit die Sowjet-weermag se standaardgeweer vir soldate geword. Kalasjnikof het al van sy nalatenskap gesê: "Ek sou verkies het om ’n masjien te ontwerp wat mense kon gebruik het en wat boere kon gehelp het, soos ’n grassnyer."[4]

Toekennings[wysig]

Kalasjnikof het verskeie pryse gewen, onder andere die Goue Ster-medalje van ’n Held van die Russiese Federasie wat op 10 November 2009 op sy 90ste verjaardag deur pres. Dmitri Medwedef aan hom toegeken is vir die skepping van "die handelsnaam waarop elke Rus trots is."[5]

Verwysings[wysig]

  1. AK-47 Inventor Doesn't Lose Sleep Over Havoc Wrought With His Invention, Fox News
  2. Bolotin, D.N, "Soviet Small-Arms and Ammunition", bl. 69-70 en 115.
  3. Kalashnikov, Mikhail, "How and Why I Produced My Submachine Gun", in Sputnik: A Digest of Soviet Press, Nowosti-nuusagentskap, Moskou, Junie 1983, bl. 70-75
  4. Kalashnikov: 'I wish I'd made a lawnmower', The Guardian, 30 Julie 2002
  5. http://en.rian.ru/russia/20091110/156786596.html Father of the AK-47 receives Russia's top honor

Eksterne skakels[wysig]