Milt

in Wikipedia, die vrye ensiklopedie
Spring na: navigasie, soek
'n Mens se milt

Die milt is 'n orgaan wat in feitlik alle gewerwelde diere gevind word. Dit het 'n soortgelyke struktuur as 'n groot limfnode, maar dien hoofsaaklik as 'n bloedfilter.

Dit is geleë aan die linkersy langs die maag.

Hoewel dit naby die maag lê, speel dit nie 'n rol in die spysverteringsproses nie. Die milt is deel van die limfstelsel en wel betrokke by die bloedsomloopstelsel

Morfologie[wysig | wysig bron]

Die bou van die milt is taamlik ingewikkeld. Diebloedryke, ovaalvormige orgaan bestaan uit 'n buitenste kapsel van bindweefsel en onwillekeurige spierweefsel, waarvandaan uitgroeisels (trabeculae) na die binnekant van die klier strek om 'n raamwerk te vorm. In die ruimtes tussen hierdie raamwerk word die murg (pulpa) aangetref. In hierdie murg word onder meer rooi- en witbloedselle aangetref in hul verskillende stadiums van ontwikkeling. Fagositiese selle wat in staat is om sekere siektekieme te vernietig, kom ook voor. Klein groepies limfweefsel, die follikels van Malphigi, is oral in die murgweefsel versprei.

Funksies[wysig | wysig bron]

Die milt kan beskou word as 'n bloedontbindende (hemolitiese) sowel as 'n bloedvormende (hemopoëtiese) orgaan. (Grieks: haema, bloed; luein, om te vernietig of verswelg; poiein, om te vervaardig)

Milt het 'n uitwerking het op die groei van 'n liggaam.

As die milt verwyder word, kan ander organe van die liggaam die funksies oorneem.

Bronnelys[wysig | wysig bron]