Motloutserivier

in Wikipedia, die vrye ensiklopedie
Jump to navigation Jump to search
Motloutserivier
Oorsprong noordwes van Francistown, Botswana
Monding Limpoporivier
Stroomgebied Botswana
Monding-hoogte 755 m
Ligging van Motloutserivier op 'n kaart (Botswana)
Motloutserivier
Motloutserivier
Koördinate: 22°13′32″S 29°1′3″O / 22.22556°S 29.01750°O / -22.22556; 29.01750Koördinate: 22°13′32″S 29°1′3″O / 22.22556°S 29.01750°O / -22.22556; 29.01750

Die Motloutserivier (voorheen bekend as die Macloutsi(e)rivier) in die ooste van Botswana is ‘n tak van die Limpoporivier.

Die rivier ontspring suidwes van Francistown op ‘n hoogte van nagenoeg 900m bo seespieël. Daarna loop dit suidooswaarts verby Mmadinare, Selebi-Phikwe en Bobonong, deur die Tuli-blok en sluit ongeveer 12km stroomop van Pontdrif by die Limpopo aan. Die Motloutse het ‘n bekken van twee miljoen hektaar en dit maak 4.8% van die Limpopo se opvangsgebied uit. Gewoonlik is die rivier ‘n omaramba. Dit loop slegs in baie goeie reënjare. Die Letsibogodam verskaf water vir huishoudelike en nywerheidsgebruik aan Selebi-Phikwe.

Die Makgadigadipan en die Motloutse word geskei deur ‘n baie lae waterskeiding. Vermoed word dat toe dit in vroeëre tye in die gebied meer gereën het, die pan se water oor die huidige waterskeiding gestoot het en die pan dus via die Motloutse water aan die Limpopo verskaf het.

In 1200v.C. is daar al goud langs die rivier ontgin. Ook is diamante aan die oewers gevind.

Bibliografie[wysig | wysig bron]