Limpopo (rivier)
| Limpopo | |
|---|---|
 | |
 Die Limpopo se waterskeiding en rivierloop | |
| Oorsprong | Samevloei van Krokodilrivier en Maricorivier, Suid-Afrika |
| Monding | Xai-Xai, Mosambiek Indiese Oseaan |
| Stroomgebied |  Botswana Suid-Afrika Zimbabwe Mosambiek
|
| Lengte | 1 750 km (1 087 myl) |
| Oorspronghoogte | 872 m (2 861 voet) |
| Mondinghoogte | 0 m |
| Gemiddelde afloop | 170 m³/s (6 003 vt³/s) |
| Stroomgebiedopp. | 415 000 km² (160 232 myl²) |
Die Limpopo is 'n groot rivier in die binneland van Suider-Afrika wat in die Indiese Oseaan uitmond. Die rivier vorm die internasionale grens tussen verskeie lande, waaronder Suid-Afrika, Botswana, Zimbabwe en Mosambiek. Vasco da Gama, die Portuguese ontdekkingsreisiger, het die Limpopo in 1498 "ontdek".
Ontstaan en roete
[wysig | wysig bron]Die Limpoporivier ontspring by die samevloei van sy twee hoofsytakke in die noorde van Suid-Afrika en is ongeveer 1 750 km lank met 'n stroomgebied van 413 000 km², die tweede grootste rivier in die streek. Dit loop in 'n boogvorm al langs die grens van die voormalige Transvaal – eers noordoostelik, dan noord, draai oos na Mosambiek en dan in 'n suidoostelike rigting voor dit naby Xai-Xai in Mosambiek in die Indiese Oseaan uitmond.
Dit dien as 'n internasionale grens vir sowat 640 km, tussen die suidooste van Botswana en die noordweste van Suid-Afrika en verder tussen suidelike Zimbabwe en die noorde van Suid-Afrika.
Sowat 14 miljoen mense woon in die Limpoporivierbekken, 'n area van ongeveer 413 000 vierkante kilometer. Daar heers groot armoede in hierdie streek, en die rivier kan nie in die waterbehoeftes van al die inwoners voorsien nie.
Sytakke van die Limpopo
[wysig | wysig bron]Krokodilrivier
[wysig | wysig bron]Die oorsprong van die Krokodilrivier is net noord van Ontdekkersweg by Witpoortjiestasie in Krugersdorp. Hier is die rivier nog 'n klein stroompie, dit vloei noord, gaan oor die Witpoortjie waterval en onder deur die N14 nasionale pad by Muldersdrift. Hiervandaan kronkel die rivier verder noordwaarts, verby die Lanseria-lughawe en vloei in die Hartbeespoortdam in. Anderkant die dam hou die rivier noordwes, verby Brits en deur die Rooikoppiesdam. Die rivier vloei steeds noordwes, suid verby Thabazimbi tot waar die Maricorivier saamvloei met die Krokodilrivier om die Limpoporivier te word.
Groot Maricorivier
[wysig | wysig bron]- Die hoofartikel vir hierdie afdeling is: Maricorivier.
'n Groot sytak is die Maricorivier. Die rivier ontspring net suid van die dorp Groot Marico, vloei noord verby Groot Marico, deur die Marico-Bosvelddam en verby Silkaatskop tot by Derdepoort. Hier swaai die rivier noordoos tot dit saamvloei met die Krokodilrivier.
Ander sytakke
[wysig | wysig bron]Die Notwanerivier is nog 'n belangrike sytak van die Limpopo, dit ontspring op die rand van die Kalahariwoestyn in Botswana en vloei in 'n noord-oostelike rigting.[1] Die hoofsytak van die Limpopo, die Olifantsrivier, wat in Mosambiek saamvloei, lewer byna 1,233 miljoen m3 water per jaar.[2]
Lys van sytakke[3]
[wysig | wysig bron]Linkerkant (almal vloei in Botswana)
[wysig | wysig bron]Linkerkant (vloei in Zimbabwe)
[wysig | wysig bron]- Mzingwanerivier (Umzingwani)
- Bubirivier
- Nuanetsirivier (Mwenezirivier)
Linkerkant (vloei in Mosambiek)
[wysig | wysig bron]Regterkant
[wysig | wysig bron]- almal ontspring in Suid-Afrika
- Maricorivier
- Krokodilrivier
- Matlabasrivier
- Mokolorivier
- Lephalalarivier
- Mogalakwenarivier
- Sandrivier
- Nzhelelerivier
- Nwanedirivier
- Levuburivier
- Letabarivier (vloei in Olifants in)
- Olifantsrivier
Sien ook
[wysig | wysig bron]Verwysings
[wysig | wysig bron]- ↑ The Notwane River, Botswana[dooie skakel]
- ↑ Görgens, A.H.M. en Boroto, R.A. 1997. Limpopo River: flow balance anomalies, surprises and implications for integrated water resources management. In: Proceedings of the 8th South African National Hydrology Symposium, Pretoria, South Africa.
- ↑ Major rivers and streams within the Limpopo River Basin
Eksterne skakels
[wysig | wysig bron]
Wikimedia Commons het meer media in die kategorie Limpopo (rivier).
