Multifunksiedrukker

in Wikipedia, die vrye ensiklopedie
'n Samsung multifunksiedrukker
'n Hewlett-Packard Photosmart multifunksiedrukker , ontwerp vir tuisgebruik, met kaartleeser en fotodruk.

Die multifunksiedrukker, of ook multifunksiesentrum of alles-in-een masjien, is 'n masjien wat 'n skandeerder, drukker en partykeer ook 'n faksmasjien ingebou het. So 'n masjien kan dan skandeer, druk, kopieer en faks en sommiges kan ook e-pos stuur en ontvang. Hierdie tipe masjiene is beskikbaar met 'n inkspuitdrukker (met vloeibare ink) of 'n laserdrukker (met drukkerpoeier).

Nuwer modelle spog selfs met kleurdruk en het 'n dupleksdruk moontlikheid (wat die voorkant en agterkant van 'n vel papier in een outomatiese proses kan bedruk), party ook met 'n dupleksskandeer moontlikheid (wat die voorkant en agterkant van 'n papier in een outomatiese proses kan skandeer).

Voordele[wysig | wysig bron]

  • Dit spaar elektrisiteit (omdat nou slegs een masjien op gereedheid moet wees, pleks van 'n hele klompie enkeldoelmasjiene)
  • Dit spaar staanplek (wat veral in klein kantore en woonhuise 'n pluspunt kan wees)
  • Die aankoopkoste is gewoonlik minder - in vergelyking met enkeltoestelle - omdat daar slegs een kas en een kragbron ens. nodig sal wees en ander onnodige duplisering van hardewarekomponente uitsluit.

Nadele[wysig | wysig bron]

  • Sou iets breek kan al die ander funksies nie gebruik word totdat die masjien herstel is nie.
  • Somtyds kan verskeie kombinasies van funksies nie gelyktydig gebruik word nie. Nuwer masjiene kan skandeer, terwyl hulle druk of 'n met 'n faksproses besig is, of 'n aantal bladsye kopieer terwyl 'n faksproses besig is. Die masjien kan alle funksies wat nodig is opeenvolgend doen.

Vervaardigers van multifunksiedrukkers[wysig | wysig bron]

Brother, Canon, Dell, Epson, Hewlett-Packard, Konica Minolta, Kyocera, Lexmark, Okidata, Olivetti, Ricoh, Samsung, Sharp, Toshiba en Xerox.