MuseuMAfricA
| |
Bordjie by die museum se ingang
| |
| Vorige naam | Africana Museum |
|---|---|
| Plek | Johannesburg |
| Land | Suid-Afrika |
| Openingsjaar | 1933 |
| Tipe museum | Geskiedenis |
| Webtuiste | www.museumafrica.org |
MuseuMAfricA (voorheen die Africana Museum) is 'n historiese museum in Johannesburg, Suid-Afrika. Die museum word in die stad se eertydse vrugte- en groentemark in Newtown gehuisves. Dit is oorkant die Mary Fitzgerald Plein in dieselfde blok as die Markteater geleë.
Geskiedenis[wysig | wysig bron]
Die museum is in 1933 gestig nadat die Johannesburgse Publieke Biblioteek 'n groot versameling kulturele materiaal en boeke van John Gaspard Gubbins gekoop het. Vanaf die middel 1930 het die museum sy versameling uitgebrei om alle aspekte van Afrika se kultuurgeskeidenis vas te vang.
In 1994 is die museum oorgedoen en na MuseuMAfricA hernoem.
Versamelings[wysig | wysig bron]
Die museum het versamelings van Afrika se materiële kultuur van dwarsoor die vasteland, insluitend versamelings van geld, musiekinstrumente en kopstukke. Dit huisves ook die Geologie Museum en die Bensusan Museum van Fotografie.
Die Bensusan Museum van Fotografie versamel seldsame en waardevolle fotografiese toerusting en foto's wat met hierdie toerusting geneem is.
Die Geologie Museum bestaan uit meer as 17 000 rots en minerale monsters van Suider-Afrika, insluitend verskeie soort monsters en monsters van die Tsumeb-gebied in Namibië, die Witwatersrand se riwwe en die Okiep-area.
Heinrich Egersdörfer se oorspronklike werk is ook hier te besigtig.
Lees ook[wysig | wysig bron]
Eksterne skakels[wysig | wysig bron]
Koördinate: 26°12′6.73″S 28°1′56.42″O / 26.2018694°S 28.0323389°O
