Myreside-stadion

in Wikipedia, die vrye ensiklopedie
Jump to navigation Jump to search
Myreside-stadion
Ligging Edinburg, Skotland
Koördinate 55°55′40.05″N 3°13′24.77″W / 55.9277917°N 3.2235472°W / 55.9277917; -3.2235472Koördinate: 55°55′40.05″N 3°13′24.77″W / 55.9277917°N 3.2235472°W / 55.9277917; -3.2235472
Eienaar George Watson's-kollege
Kapasiteit 5 500
Oppervlak Gras
Konstruksie
Geopen 1933
Huurders
Watsonians RVK (1933-)
Edinburgh Rugby (1996-’98, 2017-)
Edinburgh Reivers (1999-’02)

Myreside-stadion is ’n sportgrond in Edinburg, Skotland. Die stadion is in 1933 geopen en word sedert Januarie 2017 deur Edinburgh Rugby vir wedstryde in die Pro14 gebruik. Daar word dikwels slegs na die stadion as Myreside verwys en Watsonians RVK gebruik reeds sedert 1933 hierdie stadion aan die oostekand van Myresideweg as hul tuisveld vir rugbywedstryde. ’n Hoofpaviljoen staan aan die westekant van die grasveld met spreiligte wat die veld snags belig. Voor die terugkeer van Edinburgh Rugby na Myreside vir hul tuiswedstryde, is tydelike paviljoene opgerig om die toeskouerkapasiteit na 5 500 te verhoog.

Geskiedenis[wysig | wysig bron]

Een van die draaihekke van Myreside in 2007

Die gronde wat oorspronklik deur Watsonians RVK gebruik is, is Myreside genoem, en was vernoem na ’n plaaslike boerdery. Op 4 Maart 1933 het Watsonians hul eerste wedstryd op Nieu-Myreside gespeel, teen Koninklike Hoërskool FP Rugbyklub.[1] ’n Westelike paviljoen is aangebou.[2] Die Watsonian Krieketklub speel by die aangrensende Myreside Krieketveld.

Toe rugby ’n professionele sport geword het, het Edinburgh Rugby tussen 1996 en 1998 dMyreside as hul tuisveld gebruik.[3] Daardie span is deur die Edinburgh Reivers opgevolg, wat van 1999 tot 2002 by Myreside gespeel het.[3][4]

In Mei 2016 het Edinburgh Rugby ’n vennootskap met die eienaars van die veld, George Watson’s-kollege, aangekondig. Die vennootskap het voorsiening gemaak vir ’n proeftydperk van ses maande, met ’n aanvang in Januarie 2017, vir Edinburgh Rugby se terugkeer na Myreside, weg van Murrayfield.[3] Daar is spreiligte by die veld, maar die fasiliteite is verouderd.[3] Die plan het ingesluit dat die stadion se toeskouerkapasiteit vergroot sou word deur tydelike paviljoene aan die noordelike en suidelike kante van die veld opgerig sou word.[5] Die stadsraad van Edinburgh het planne vir die oprigting van tydelike paviljoene in Desember 2016 goedgekeur.[6] Die tydelike paviljoene is so na as moontlik aan die doodlyn van die veld opgerig.[7] Die kapasiteit is betyds vir Edinburgh se eerste wedstryd in Januarie 2017 verhoog na net meer as 5 500.[8]

Verwysings[wysig | wysig bron]

  1. (en) "Rugby. Die Anniesland-"derby". Hoërskool groot gunstelinge". The Glasgow Herald. 4 Maart 1933. Besoek op 22 Januarie 2017. 
  2. (en) Edinburgh, Myresideweg, George Watson’s Rugbyveld”. Canmore. URL besoek op 22 Januarie 2017.
  3. 3,0 3,1 3,2 3,3 (en) "Edinburgh bevestig skuif van Murrayfield na Myreside". BBC Sport. 10 Mei 2016. 
  4. (en) "Edinburgh gaan Myreside tuiste maak". The Scotsman. 25 Julie 2001. Besoek op 22 Januarie 2017. 
  5. (en) Connell, John (2 September 2016). "Kommer oor Edinburgh Rugby se beplande skuif van Murrayfield na Myreside". Edinburgh Evening News. Besoek op 22 Januarie 2017. 
  6. (en) (7 Desember 2016) “Tydelike paviljoene by Myreside kry groenlig”. Besoek op 22 Januarie 2017.
  7. (en) "Rugby: Andy Irvine is oortuig dat Edinburgh-spelers Myreside sal koester". The National. 17 Januarie 2017. Besoek op 25 Januarie 2017. 
  8. (en) Lewis, Jane (16 Januarie 2017). "Edinburgh: Myreside 'kan beter as Glasgow se Scotstoun wees' - Andy Irvine". BBC Sport. Besoek op 22 Januarie 2017.