Zebre

in Wikipedia, die vrye ensiklopedie
Jump to navigation Jump to search
Zebre
Unie Italiaanse Rugbyfederasie
Bynaam(e) XV van die Noordweste
Stadion Stadio Sergio Lanfranchi, Parma
Kapasiteit 5 000
Afrigter(s) Vlag van Republiek Ierland Michael Bradley
Kaptein(s) George Biagi
Liga(s) Pro14
2017-’18 12de
Spankleure


Alt. kleure
Amptelike webwerf
www.zebrerugby.eu

Zebre is ’n Italiaanse rugbyspan wat sedert 2012-’13 in die Guiness Pro14 en Heinekenbeker meeding.[1] Hulle basis is Parma (Emilia-Romagna), word bestuur deur die Italiaanse Rugbyfederasie (FIR) en het Aironi in die Pro12 vervang.[2][3][4][5][6]

Zebre, ook bekend as “die XV van die Noordweste ((it) il XV del Nord-Ovest), verteenwoordig die vier komitees van Emilia-Romagna, Ligurië, Lombardye en Piëmont, asook Noord-Toskane, wat tienduisende lede en verskeie klubs insluit[7]

Geskiedenis[wysig | wysig bron]

Die toetrede van Italiaanse spanne in die Keltiese Liga is vir talle jare voorgestel. Na verskeie mislukte pogings was daar hoop dat ’n ooreenkoms bereik kon word voor die aanvang van die 2010-’11-seisoen, met die Skotte wat hul goedkeuring teruggehou het tot veranderinge aan die bestuurstruktuur van die Keltiese Liga aangebring is. In Februarie 2010 is aangekondig dat die beplande uitbreiding van die Keltiese Liga voorlopig uitgestel is. ’n Rede hiervoor was die aandrang van bestaande lede dat die Italiaanse spanne na drie jaar die deur gewys sou kon word. Die finansiële las wat op die Italianers geleun het, kon ook nie afgeskud word nie. Die bestaande spanne het aangevoer dat die finansies belangrik was omdat hulle groter spanne en addisionele reiskoste sou moes dra.[8] In Maart 2010 is ’n ooreenkoms bereik wat Italiaanse spanne sou toelaat vir die 2010-’11-seisoen van die Keltiese Liga.[9] Beloftes van deelname aan die jaarlikse Heinekenbeker, wat voorheen aan die twee beste spanne van die Nasionale Kampioenskap van Uitnemendheid, is ook gemaak.

Sedert hul insluiting by die Sesnasies-toernooi in 2000 kon Italië nie veel vermag nie. Die rede wat hiervoor aangevoer is, is dat die plaaslike toernooi nie kompeterend genoeg vir hul spelers is nie, of dat hulle gedwing is om in die buiteland te speel. Die feit dat 42 uit die 44 spelers van die Ierse en Walliese spanne wat in die beslissende wedstryd van die 2009-toernooi gespeel het, in die Keltiese Liga gespeel het, het hierdie gedagte ondersteun.[10]

Na ’n aanvanklike aansoek in 2010 is voorgestel dat Aironi en nog ’n nuwe span, Praetorians Roma, sou aansluit,[11] maar Benetton Rugby Treviso is in plaas daarvan genomineer. Benetton Treviso en Duchi Nord-Ovest kon nie ooreenkom om een klub te stig om die Veneto-streek te verteenwoordig nie, en het die bodproses verloor ten spyte daarvan dat die streek die tradisionele tuiste van Italiaanse Rugby is.[12] Praetorians Roma het egter nie daarin geslaag om die keurders van hul finansiële bekwaamheid te oortuig nie, en Benetton Treviso is in hul plek genomineer.[13]

Aironi het swaar gekry in hul eerste seisoen; ’n verrassende oorwinning oor Biarritz was die enigste hoogtepunt van ’n veldtog waarin hulle slegs een sege kon behaal. Aan die einde van ’n tweede sukkelseisoen het Aironi geswig onder finansiële troebelte van die veld af. Hul lisensie om in die Europese Beker en Pro12 deel te neem, is deur die Italiaanse Rugbyfederasie herroep.[14] Die Federasie het besluit teen die oorname van die lisensie deur ’n ander plaaslike Italiaanse klub, en het gekies om self beheer daaroor te behou deur die skep van ’n nuwe konsessie.[15] In Junie 2012 is aangekondig dat die nuwe konsessie Zebre sou heet en dat hulle in Parma gesetel sou wees.[16]

Zebre het nie ’n suksesvolle eerste seisoen in 2012-’13 gehad nie en het al hul wedstryde verloor in die Pro12 én die Heinekenbeker. Hoewel hulle in die volgende seisoen weer laaste geëindig het, het hulle verbeter met ’n eerste oorwinning teen Cardiff Blues op die Arms Park[17] in ’n seisoen waatin hulle vyf wedstryde gewen het, teen Ospreys, Edinburgh, weer teen die Cardiff Blues en Treviso. Hul 2014-’15-seisoen was effens slegter met slegs drie oorwinnings en ’n laaste plek op die punteleër vir die derde opeenvolgende seisoen. In 2015-’16 het hulle weer vyf oorwinnings behaal en het hierdie seisoen nie laaste geëindig nie. Daarna, in 2016-’17, het hulle weer laaste geëindig.

Seisoenbepalings[wysig | wysig bron]

Keltiese Liga/Pro12/Pro14[wysig | wysig bron]

Seisoen Pos Gespeel Gewen Gelyk Verloor BP Punte Notas
2012-’13 12de 22 0 0 22 10 10
2013-’14 12de 22 5 2 15 5 29
2014-’15 12de 22 3 0 19 3 15
2015-’16 11de 22 5 0 17 4 24
2016-’17 12de 22 3 0 19 7 19
2017-’18 12de 21 7 0 14 8 36
2018-’19 14de 21 3 0 18 7 19

Heinekenbeker/Rugbykampioenebeker[wysig | wysig bron]

Seisoen Poel/Rondte Pos Gespeel Gewen Gelyk Verloor BP Punte Notas
2012-’13 Poel 3 4de 6 0 0 6 1 1
2013-’14 Poel 3 4de 6 0 0 6 0 0
2016-’17 Poel 2 4de 6 0 0 6 0 0

Europese Rugbyuitdaagbeker[wysig | wysig bron]

Seisoen Poel/Rondte Pos Gespeel Gewen Gelyk Verloor BP Punte Notas
2014-’15 Poel 5 3de 6 2 0 4 0 8
2015-’16 Poel 4 2de 6 3 0 3 1 13
2017-’18 Poel 3 0 0 0 0 0 0

Huidige span[wysig | wysig bron]

Zebre se span vir die 2017-’18-seisoen:[18]

Stutte

Hakers

Slotte

 

Losvoorspelers

Skrumskakels

Losskakels

 

Senters

Vleuels

Heelagters

Eksterne skakel[wysig | wysig bron]

Verwysings[wysig | wysig bron]

  1. (en) "Zebra's gaan by Aironi oorneem". The Irish Times. 2012-06-07. Besoek op 2012-11-02. 
  2. (en) "Italiaanse span Aironi onttrek uit Pro12 na lisensie herroep is". BBC Sport. 2012-04-06. 
  3. (en) "Italië kondig nuwe klub aan". Ercrugby.com. 2012-06-07. Besoek op 2012-11-02. 
  4. (en) "Zebre vervang Aironi vir Italië". Rte.ie. 2012-06-07. Besoek op 2012-11-02. 
  5. (en) "Geargiveerde kopie". Geargiveer vanaf die oorspronklike op 2012-08-20. Besoek op 2012-06-07. 
  6. (en) "London Wasps lok Italiaanse agterspeler Andrea Masi van Aironi". Bbc.co.uk. 2012-07-10. Besoek op 2012-11-02. 
  7. (it) http://www.zebrerugby.eu/io-ci-sono-nasce-la-comunita-della-franchigia-delle-zebre-rugby/
  8. (en) "Peter Bills: Italian fury at 'insult' after Magners League snub". Independent.ie. Besoek op 2011-11-11. 
  9. (en) "Italiaanse spanne sluit aan by Magners-liga". Rte.ie. 2010-03-08. Geargiveer vanaf die oorspronklike op 2010-04-13. Besoek op 2011-11-11. 
  10. (en) Roberts, Gareth (2009-03-21). "Wallis 15-17 Ierland". BBC News. Besoek op 2011-11-11. 
  11. (en) "Aironi en Praetorians reg vir Magnersliga". Scrum.com. Besoek op 2011-11-11. 
  12. (en) "Internasionale Rugby". Planet Rugby. 2009-07-21. Geargiveer vanaf die oorspronklike op 2011-09-28. Besoek op 2011-11-11. 
  13. (en) "Italianers se poging tot aansluiting by die Liga nie finaal". The Irish Times. 2009-11-11. Besoek op 2011-11-11. 
  14. (en) "Italiaanse span Aironi onttrek aan Pro12 na hul lisensie herroep is". Bbc.co.uk. 2012-04-06. Besoek op 2012-11-02. 
  15. (en) "Toernooie | Magners-liga | Aironi | Viadana se Pro12-bod verwerp". Planet Rugby. Geargiveer vanaf die oorspronklike op 2012-06-04. Besoek op 2012-11-02. 
  16. (en) "Rugbynuus | Nuwe PRO12-span heet Zebre". Planet Rugby. Besoek op 2012-11-02. 
  17. (en) http://www.rabodirectpro12.com/matchcentre/12879.php
  18. (it) "Zebre Rugby i giocatori della rosa 2015/2016". Zebre. Besoek op 28 Augustus 2016.