NG gemeente Vanstadensrus

in Wikipedia, die vrye ensiklopedie
Jump to navigation Jump to search
Ds. Gerrit Higgo, Vanstadensrus se derde leraar.

Die NG gemeente Vanstadenrus (oorspronklik Vanstadensrust) is ’n gemeente van die Nederduitse Gereformeerde Kerk in die Vrystaat-provinsie en Sinode van die Vrystaat.

Stigting[wysig | wysig bron]

Op 27 Februarie 1925 is “Vanstadensrust” in die Staatskoerant as dorp verklaar. Die dorp is uitgesny op 'n deel van die plaas Mook, wat aan ene M.H. van Staden behoort het. 'n Standbeeld van hom staan vandag op een van die koppies wat die dorp omring. Die NG gemeente Vanstadensrust is in 1939 van die gemeentes Wepener, Zastron, Rouxville en Smithfield afgestig. Op 15 Mei 1939 is die eerste kerkraadslede gekies. Ds. H.S.M. Botha, voorsitter van die Ringskommissie, het as voorsitter van die vergadering opgetree.

Eerste leraars[wysig | wysig bron]

Op 19 Augustus 1939 is ds. D.J. de Jager van Goedemoed na Vanstadensrust beroep, maar hy het bedank. Intussen het die oorlog uitgebreek, en onder die besef van hierdie donker wolk wat die wêreld kom oorskadu het, en daarby die jonkheid van die gemeente wat nog met skuld belaai was, het die kerkraad besluit om, wat die beroep van 'n leraar betref, ses maande uitstel by die Ringskommissie te vra.

Eers op 13 Desember 1939 is 'n beroep op ds. J.I. de Wet van Otjiwarongo uitgebring. So het hy die eerste leraar van die gemeente geword en ses jaar hier gearbei om die fondamentstene van die gemeente heg te lê. Ná die vertrek van ds. De Wet is 'n paar beroepe uitgebring, totdat 'n geslaagde beroep op 8 Maart 1947 op ds. J.C. Botha van Fort Jameson, tans van Fort Victoria, uitgebring is. Ná 'n tydperk van meer as twee jaar het die gemeente weer vakant geraak, totdat prop. G. Higgo op 23 Junie 1951 met handoplegging bevestig is. Hierdeur het hy die eerste proponent geword wat hier bevestig is.

Gedurende die lang vakature het ds. M. Jooste (emeritus) die gemeente bearbei. Gedurende hierdie tyd het die gemeente 'n besondere gees van eensgesindheid en samewerking ontwikkel, iets wat so nodig is, terwyl hierdie jong gemeente groot ontwikkelings tegemoetgaan. Die eredienste ens. is in 'n netjiese kerksaal gehou; die gemeente het destyds tussen 300 en 400 lidmate getel.

Sending[wysig | wysig bron]

Hier het ook 'n sendingwerkkring ontstaan wat onder toesig van die moedergemeente bearbei is. In 1951 is die werkkring tot gemeente gestig. 'n Evangelis het die gemeente bearbei totdat 'n sendeling. beroep kon word. In 1952 berig Ons gemeentelike feesalbum: “Die gemeente is nog jonk en klein, maar Vanstadensrust is dankbaar dat hy ook kan bou aan die mure van Gods Koninkryk op aarde.”

Enkele leraars[wysig | wysig bron]

  • Johannes Cornelis Botha, 1947–1949

Bronne[wysig | wysig bron]

Eksterne skakels[wysig | wysig bron]