Nasionale Park Jigme Singye Wangchuck

in Wikipedia, die vrye ensiklopedie
Jump to navigation Jump to search
Nasionale Park
Jigme Singye Wangchuck
Jigme Singye protected area location map.png
Land Vlag van Bhoetan Bhoetan
Distrikte Sarpang
Tsirang
Trongsa
Wangdue Phodrang
Zhemgang
Rivier Mangde Chhu
Sankosh
Nika Chhu
Hoogste punt 4 925 m
Laagste punt 600 m
Oppervlakte 1 730 km2
Diere Swartnekkraanvoël
rooipanda
luiperd
tier
Himalaja-swartbeer
Asiatiese olifant
muskushert
Datum 1998
Webtuiste Nasionale Park Jigme Singye Wangchuck

Die Nasionale Park Jigme Singye Wangchuck is die mees sentrale beskermde gebied in Bhoetan. Dit beslaan ’n gebied van 1 730 km2 in Sentraal-Bhoetan en sluit die grootste deel van die Trongsa-distrik in, asook dele van Sarpang, Tsirang, Wangdue Phodrang en Zhemgang.

Aan die grens van die park van noord tot suidoos loop Bhoetan se hoofsnelweë van oos na wes en van noord na suid. Dit is ook deur "biologiese korridors" met ander beskermde gebiede in Noord-, Oos-, Sentraal- en Suid-Bhoetan verbind. Habitats van die Oos-Himalaja-breëblaarwoude-ekostreek word in die park beskerm.

Betekenis[wysig | wysig bron]

Die park verteenwoordig die beste voorbeelde van Middel-Himalaja-ekostelsels en bevat verskeie ekologiese biome, van subtropiese woude by laer hoogtes tot Alpynse graslande hoër op.

Die park is ook belangrik vir verskeie migrerende voëls vanweë sy groot verskeidenheid wat hoogte en plantegroei betref en sy sentrale ligging. Dit bevat ’n groot reeks habitats en beskerm die grootste en mees biodiverse gematigdewoudstreek in die Himalaja.[1]

Die hoë berge in die sentrale deel van die park is ’n belangrike afloophelling vir die riviere en strome wat die bolope en sytakke van die Mangde Chhu-rivier na die weste word. Dié rivier sluit aan by die Mangde Chhu-rivier uit die noorde.[2]

Verwysings[wysig | wysig bron]

  1. Analysis of the Contributions of Protected Areas to the Social and Economic Development of Bhutan. CASE STUDY. Jigme Singye Wangchuck National Park. Thimphu, Bhutan: Wildlife Conservation Division. 2010. p. 10. ISBN 978-99936-817-0-0. 
  2. Conservation management plan. Jigme Singye Wangchuck National Park. Jan2014-Dec2018. Trongsa, Bhoetan: Jigme Singye Wangchuck National Park. 

Eksterne skakels[wysig | wysig bron]

Koördinate: 27°16′57.82″N 90°23′3.84″O / 27.2827278°N 90.3844000°O / 27.2827278; 90.3844000