Nederlandse Taalunie

in Wikipedia, die vrye ensiklopedie
Spring na: navigasie, soek
Nederlandse Taalunie
Amptelike taal Nederlands
Voorsitter Marja van Bijsterveldt (sedert 2010)
Opgerig in 1980
Lede Flag of the Netherlands.svg Nederland
Flag of Belgium.svg België
Flag of Suriname.svg Suriname
Kandidaatlede Flag of Aruba.svg Aruba
Flag of Curaçao.svg Curaçao
Flag of Sint Maarten.svg Sint Maarten
Spesiale vennote Flag of Indonesia.svg Indonesië
Flag of South Africa.svg Suid-Afrika
Hoofkwartier Den Haag
Webwerf Amptelike webwerf van NTU
Die lidlande van die Nederlandse Taalunie
Die verspreiding van Nederlands

Die Nederlandse Taalunie (NTU) het tot stand gekom uit 'n ooreenkoms tussen België en Nederland wat op 9 September 1980 geteken is. Op 12 Januarie 2005 het Suriname ook amptelik 'n lid van die NTU (assosiasie-lid) geword. Omrede Afrikaans deel vorm van die Nederlandse Taalfamilie, gaan al meer stemme op vir insluiting van Afrikaans by die NTU. 'n Nederlandse adjunk-minister, Frans Timmermans was in Februarie 2008 op besoek aan Suid-Afrika en hy het gesprekke gevoer met Pallo Jordan, die Suid-Afrikaanse minister van kuns en kultuur asook met Aziz Pahad, adjunkminister van buitelandse sake. Timmermans het tydens sy besoek gesê dat dit tyd geword het dat Afrikaans uit sy 'verdomphoekje' gehaal moet word en dat die posisie van die taal versterk moet word.

Volgens die Vlaamse minister van Kultuur, Bert Anciaux, het die tyd aangebreek om Afrikaans te steun. Afrikaans en Nederlands is immers familie van mekaar en familie moet vir mekaar sorg. Die NTU het tot stand gekom in navolging van ander Europese taalinstellinge soos:

  • Die Franse Alliance Française,
  • Die Spaanse Real Academia Española ("Koninklike Spaanse Akademie"),
  • Die Portugese Instituto Internacional da Língua Portuguesa
  • Die Duitse Goethe-Institut.

Die Nederlandse Taalunie, bestaan uit 4 organe, naamlik:

  • Die Komitee van Ministers. Die komitee bestaan uit die ministers van onderwys en kultuur van die deelnemende lande.
  • Die Raad van Nederlandse Taal en Letteren. Hierdie Raad bestaan uit kundige adviseurs wat ondersoek doen en advies uitbring aan die Komitee van Ministers.
  • Die Interparlementêre kommissie. Hierdie kommissie kontroleer die beleid van die NTU en bestaan uit parlementslede.
  • Die Algemene Sekretariaat. Die Algemene Sekretariaat is verantwoordelik vir die uitvoering van die beleid van die NTU.

Suriname is nie in bogenoemde 4 organe verteenwoordig nie, omdat Suriname 'n assosiasie-lid is.

Die NTU hou hom besig met die spelling van Nederlands; met die daarstelling van (duur) naslaanwerke; hulpmiddele in die onderwys; vertaalwerk; taalbeleid, ens. Die NTU ken ook belangrike pryse toe op die gebied van die taal en letterkunde.

Omdat Afrikaans lid is van die Nederlandse taalfamilie het Afrikaans reg om by die Nederlandse Taalunie aan te sluit. Dit sal nie alleen die prestige van Afrikaans verhoog nie, maar Afrikaans sal ook steun ontvang van die NTU. As Afrikaans 'n volwaardige lid van die NTU word, sal Afrikaners ook saam met Nederlanders en Vlaminge besluite kan neem wat die taalbeleid raak in die deelnemende lande.

Dis is egter te betwyfel of Afrikaans 'n volwaardige lid sal word van die NTU. Die Suid-Afrikaanse regering sal moet onderhandel oor toetreding tot die NTU. Dit sal die regering ook geld kos. 'n Aansluiting by die NTU sal die posisie van Afrikaans versterk. Dit druis in teen die wens van die huidige Suid-Afrikaanse regering.

Om die onwillige Suid-Afrikaanse regering te omseil, sou die Afrikaanssprekendes kan aansluit by die NTU via 'n assosiasieverdrag. Die aangewese orgaan om aansluiting te bewerkstellig is die Suid-Afrikaanse Akademie vir Wetenskap en Kuns. Dit is immers hierdie orgaan wat verantwoordelik is vir die normalisering van die Afrikaanse spelling.

Eksterne Skakels[wysig]