Nespresso

in Wikipedia, die vrye ensiklopedie
Jump to navigation Jump to search
Nestlé Nespresso S.A.
Logo Nespresso.png
Monogramme Nespresso.png
Tipe Société anonyme
Gestig 1986
Hoofkantoor Lausanne, Vaud,Vlag van Switserland Switserland
SleutelpersoneJean-Marc Duvoisin (hoof uitvoerende beampte)
Gebied bedienWêreldwyd
IndustrieKoffiebedryf, kleinhandel
ProdukteKoffiekapsules en -masjiene
Werknemers13 500 (2017)
MoedermaatskappyNestlé S.A.
Webwerfnespresso.com

Nestlé Nespresso S.A. is 'n dogteronderneming van Nestle S.A., die wêreld se grootste voedselvervaardiger, wat in Lausanne, Switserland gesetel is. Dit bemark onder sy handelsmerk Nespresso klein porsies gemaalde espresso en koffie in aluminiumfoelie-kapsules, sowel as die koffiemasjiene en toebehore wat vir die outomatiese bereiding van koffie en espresso met Nespresso-kapsules benodig word.

Nespresso-koffiemasjiene word onder lisensie van Nespresso onder meer deur De'Longhi (Treviso, Italië) en Krups (Solingen, Duitsland) vervaardig. Die Australiese vervaardiger Breville (Alexandria, Sydney) het 'n premiumreeks espresso- en koffiemasjiene met melkskuimer vir Nespresso ontwikkel.

Koffie, wat onder die Nespresso-handelsmerk in kapsules verkoop word, word uitsluitlik in drie roosterye in Switserland - geleë in Avenches, Orbe (albei in die kanton Vaud/Waadt) en Romont (kanton Fribourg/Freiburg) - vervaardig. Nespresso het meer as 2 000 werknemers in Switserland in diens.[1]

Nadat Nestlé Nespresso S.A. se oorspronklike patent op sy koffie- en espressokapsules in 2011 verval het, het ook ander aanbieders van kapsules vir gebruik in Nespresso-koffiemasjiene tot die mark toegetree, waaronder ook Suid-Afrikaanse ondernemings.[2]

Verwysings[wysig | wysig bron]