Nestor die Kroniekskrywer

in Wikipedia, die vrye ensiklopedie
Jump to navigation Jump to search
Nestor die Kroniekskrywer
Nestor 03.jpg

’n Forensiese gesigskonstruksie van Nestor deur Sergei Nikitin.
Heilige
Gebore ca. 1056,
Sterfte ca. 1114, Kiëf
Vereer in Russies-Ortodokse Kerk
Pelgrimsoord Kiëfse Klooster van die Grotte
Feesdag 27 Oktober (Russies-Ortodokse Kerk)

Sint Nestor die Kroniekskrywer (omstreeks 1056 – omstreeks 1114, in Kiëf, moderne Oekraïne) was die beroemde skrywer van die Primêre Kronieke, die oudste Oos-Slawiese kronieke, asook Die Lewe van Theodosius van die Grotte en Die Lewe van die Geseënde Passiedraers Boris en Gleb.

’n Ikonografiese uitbeelding van Nestor uit 1919, deur Wiktor Wasnetsof (Sint Wladimir-katedraal, Kiëf).

Nestor het in 1073 ’n monnik van die Kiëfse Klooster van die Grotte geword. Die enigste ander besonderheid van sy lewe wat redelik seker is, is dat hy en twee ander monnike opdrag gekry het om die relieke van sint Theodosius van Kiëf te vind, ’n sending wat hy suksesvol voltooi het. Daar word ook gespekuleer dat hy die regerende prins, Swjatopolk II, ondersteun het en dat die pro-Skandinawiese heilige die Griekse invloed op Kiëf verpes het.

Primêre Kronieke[wysig | wysig bron]

Nestor se kronieke begin met die Sondvloed, soos die meeste van die Christelike kronieke van dié tyd. Dit lyk of die skrywer vertroud was met die Bisantynse historici se werke. Hy het waarskynlik ook ander Slawiese kronieke gebruik wat intussen verlore gegaan het. Sy styl is by tye so poëties dat hy miskien ook ander bilini wat nou verlore is, ingevoeg het.

As ’n getuie kon Nestor net oor die bewind van Wsewolod I en Swjatopolk II (1078–1112) geskryf het, maar daar word veronderstel hy het ook inligting van ouer inwoners gekry. Die huidige teorie oor Nestor is dat die Kronieke ’n samevoeging van baie dele van verskillende kronieke is en dat Nestor se naam daaraan gekoppel is omdat hy óf die grootste deel geskryf óf al die dele aanmekaargelas het.

Sint Nestor is omstreeks 1114 oorlede en is in ’n Kiëfse kloostergrot begrawe. Die Russies-Ortodokse Kerk het hom tot heilige verklaar. Sy feesdag is 27 Oktober. Hy word ook saam met ander heiliges van die Grotklooster herdek op 28 September en op die Tweede Sondag van die Groot Vastyd.

Eksterne skakels[wysig | wysig bron]