Nkhata Bay
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Nkhata Bay Nkhata | |
|---|---|
Dorp | |
 Nkhata Bay lê tussen die Malawimeer en die heuwels. | |
  Nkhata Bay Nkhata Bay se ligging in Malawi. | |
| Koördinate: 11°36′S 34°18′O / 11.600°S 34.300°OKoördinate: 11°36′S 34°18′O / 11.600°S 34.300°O | |
| Streek | Noordelike Streek,  Malawi |
| Distrik | Nkhata Bay |
| Hoogte | 471 m (1 545 ft) |
| Bevolking | |
| • Totaal | 14 722[1] |
| Tydsone | UTC+2 (Sentraal-Afrikaanse tyd) |
| • Somertyd | UTC+2 |
| Klimaat | Tropiese savanne |
Nkhata Bay, of net Nkhata, is die hoofstad van die Nkhata Bay-distrik in Malawi. Dit is aan die oewer van die Malawimeer en oos van Mzuzu geleë en is een van die meer se belangrikste hawens.[2] Die bevolking in 2008 was 14 722.[1]
Die dorp is 413 km van Lilongwe, Malawi se hoofstad, en 576 km van Blantyre, die land se ekonomiese sentrum.[3] Dit is die tweede besigste oord aan die meer.[4]
Geskiedenis[wysig | wysig bron]
Die voorouers van Nkhata se inwoners was die Tonga. In die 19de eeu is hulle dikwels aangeval deur die Ngoni, wat noord gevlug het om onder die heerskappy van die Zoeloe-king Shaka in Suid-Afrika uit te kom.[5]
Demografie[wysig | wysig bron]
| Jaar | Inwoners[1] |
|---|---|
| 1987 | 6 494 |
| 1998 | 9 424 |
| 2008 | 14 722 |
Taal[wysig | wysig bron]
Chichewa is die taal wat in hospitale, kerke, koerante en oor die radio verkies word, hoewel die mense in die Noordelike Streek hoofsaaklik Chitumbuka praat. Tonga is die belangrikste taal in Nkhata Bay se skole; dit word sowat 92% van die tyd gebruik.[6]
Ekonomie en geriewe[wysig | wysig bron]
Nkhata Bay is afhanklik van vis.[7] Die grootste bedryf is egter landbou, veral die verbouing van kassawe (broodwortel).[8] Daar is ook rubberplantasies.[9] Verder is toerisme ’n groot bron van inkomste.
Nkhata Bay is ’n hawedorp wat deur die stoomboot MV Ilala aangedoen word. Die boot vaar op die meer van Monkey Bay in die suide van die land na Chilumba in die noorde, via Likoma-eiland en Chizumulu. ’n Nuwe veerbootdiens is in 2013 ingestel tussen Nkhata Bay en Mbamba Bay in Tanzanië.[10]
Minibusse loop gereeld van die dorp na Mzuzu, Chintheche, Nkhotakota en Salima.[11] Groter busse kan na Blantyre, Mzuzu en Karonga gehaal word.
Daar is kroeë, restaurante, twee kruidenierswarewinkels, ’n busstasie, klerewinkels en ’n mark in Nkhata Bay. Verder is daar vier banke, ’n paar internetkafees, ’n hospitaal, pokantoor, polisiekantoor[12] en openbare telefone.[13]
Toerisme[wysig | wysig bron]
Nkhata Bay word deur Lonely Planet beskryf as "Karibies-agtig".[14] Daar is verskeie gastehuise en lodges vir toeriste.[15]
Die dorp was eens deel van rugsakstappers se roete oor land tussen Oos-Afrika en Kaapstad, Suid-Afrika, maar die stappers se getalle het in onlangse jare afgeneem. Die opening van die Njajay Lodge het ook meegebring dat mense met meer geld in dié deel van Malawi vakansie hou.
Verwysings[wysig | wysig bron]
- ↑ 1,0 1,1 1,2 "World Gazetteer: Malawi: largest cities and towns and statistics of their population". World Gazetteer (in Engels). Geargiveer vanaf die oorspronklike op 15 Mei 2012. Besoek op 20 Junie 2008.
- ↑ "Malawi: Transportation". Encyclopaedia Britannica (in Engels). Geargiveer vanaf die oorspronklike op 5 Maart 2008. Besoek op 20 Junie 2008.
- ↑ "Malawi distance table" (in Engels). Geargiveer vanaf die oorspronklike op 9 Oktober 2019. Besoek op 20 Junie 2008.
- ↑ "Malawi: On a mission in Africa". The Daily Telegraph. 5 Februarie 2001. Besoek op 22 Junie 2008.[dooie skakel]
- ↑ "Malawi: Malawians Take a Leaf From Zulus And Publicly Display Tribal". AllAfrica. 29 April 2003. Besoek op 21 Junie 2008.
- ↑ Baldauf, Richard B.; Kaplan, Robert (2004). Language Planning and Policy in Africa: Botswana, Malawi, Mozambique and South Africa. p. 134. ISBN 1-85359-725-2. Besoek op 21 Junie 2008.
- ↑ Banda, Sam jr. (13 Junie 2008). "Malawi: Fish production reaps more in 2007" (in Engels). Geargiveer vanaf die oorspronklike op 10 Februarie 2012. Besoek op 21 Junie 2008.
- ↑ Chiwona-Karltun, L.; Tylleskar, T.; Mkumbira, J.; Gebre-Medhin, M.; Rosling, H. (1 Januarie 2000). "Low dietary cyanogen exposure from frequent consumption of potentially toxic cassava in Malawi.(Statistical Data Included)". International Journal of Food Sciences and Nutrition. Geargiveer vanaf die oorspronklike op 13 Januarie 2008. Besoek op 21 Junie 2008.
- ↑ "Malawi newspaper hails newly launched regional development initiative". Asia Africa Intelligence Wire. 16 Desember 2004. Besoek op 21 Junie 2008.
- ↑ "New ferry service on Lake Malawi". Trip Advisor (in Engels). 25 November 2013. Geargiveer vanaf die oorspronklike op 9 Oktober 2019. Besoek op 13 Junie 2016.
- ↑ Murphy, Alan; Armstrong, Kate; Firestone, Matthew D.; Fitzpatrick, Mary (2007). Lonely Planet Southern Africa: Join the Safari. Lonely Planet. p. 191. ISBN 1-74059-745-1. Besoek op 21 Junie 2008.
- ↑ "Malawi minister survives electoral campaign accident". Xinhua News Agency. 9 Mei 2004. Besoek op 21 Junie 2008.[dooie skakel]
- ↑ Levitov, Betty (2007). Africa on Six Wheels: A Semester on Safari. University of Nebraska Press. p. 114. ISBN 0-8032-8054-8. Besoek op 21 Junie 2008.
- ↑ Murphy, Alan; Armstrong, Kate; Firestone, Matthew D.; Fitzpatrick, Mary (2007). Lonely Planet Southern Africa: Join the Safari. Lonely Planet. p. 188. ISBN 1-74059-745-1. Besoek op 21 Junie 2008.
- ↑ Murphy, Alan; Armstrong, Kate; Firestone, Matthew D.; Fitzpatrick, Mary (2007). Lonely Planet Southern Africa: Join the Safari. Lonely Planet. p. 189. ISBN 1-74059-745-1. Besoek op 21 Junie 2008.
Eksterne skakels[wysig | wysig bron]
- MSN Map[dooie skakel]
Wikimedia Commons het meer media in die kategorie Nkhata Bay.
Hierdie artikel is vertaal uit die Engelse Wikipedia
