Northrop F-89 Scorpion

in Wikipedia, die vrye ensiklopedie
Jump to navigation Jump to search
Northrop P-61 Black Widow
59fis-f-89-goosebay.jpg
Formasie van drie F-89Ds van die 59ste Vegter Eskader, Goose Bay, Labrador
Tipe Vegvliegtuig
Vervaardiger Northrop Corporation
Ontwerp deur Jack Northrop
Nooiensvlug 16 Augustus 1948
Bekendstelling September 1950
Onttrek 1969
Status Uit diens gestel
Hoofgebruiker Amerikaanse Lugmag
Aantal gebou 1,050 en twee prototipes

Die Northrop F-89 Scorpion is 'n Amerikaanse alleweerstoestand vegvliegtuig wat ook as 'n onderskepper gebruik is en is ontwikkel om die Northrop P-61 Black Widow en North American F-82 Twin Mustang te vervang. Die Scorpion het 'n konvensionele ontwerp gehad en was toegerus met 'n deceleron, 'n toestel wat soos 'n lugrem werk wat die vlieënier gebruik om 'n vuur posisie agter vyandelike vliegtuie in te neem. Die tweede bemannings lid het agter die vlieënier gesit en die radar beman. Die bynaam vir die vliegtuig was die Stanley Steamer na aanleiding van die groot wiele wat gebruik is in die hooflandingtoestel; dit lyk meer soos 'n trein as 'n vliegtuig.

Daar was die meeste gebou van model F-89D, dit het 104 70 mm ongeleide vuurpyle in twee enorme houers op die vlerkpunte gedra. Dit was ook toegerus met APG-40 radar wat 'n teiken reeds op 80km kon identifiseer. Die indrukwekkende Hughes E-6 vuurbeheerstelsel het dan instruksies aan die stuuroutomaat gestuur en kon selfs die vuurpyle vuur sodra hulle in trefafstand kom.

Daar was 350 van die d-modelle opgegradeer na F-89J modelle; dit het bekend gestaan as Project Ding Dong. Na die opgradering kon die vliegtuie die ongeleide AIR-2A Genie lug-tot-lug missiele dra, toegerus met 'n kernplofkop. Op 19 Julie 1957 is Operasie Plumb Bob voltooi, 6,100 m bokant die Nevada-woestyn. 'n Scorpion het Genie afgevuur na 'n teiken 4,270 m weg, die missiel het die afstand in 4.5 sekondes afgelê. Dit is die eerste en enigste keer dat 'n lug-tot-lug missiel met 'n kernplofkop afgevuur en ontplof is.

Die F-89 is uit aktiewe diens onttrek in 1959 nadat dit die noorde van Amerika vir amper 'n dekade beskerm het. Die Air National Guard het sy laaste modelle in Julie 1969 uit diens gestel.

Tegniese besonderhede[wysig | wysig bron]

Besonderhede van die Northrop F-89 Scorpion:
Item Statistiek
Aantal motors 2
Tipe motor Straalmotor
Vervaardiger Allison J-35-A-35 turbostraal met nabrander.
Kraglewering per motor 3 266 perdekrag
Vlerkspan 18,18 m
Lengte 16,41 m
Hoogte 5,36 m
Vlerkoppervlakte 52,21 m2
Normale opstygmassa 19 160 kg
Maksimum snelheid 1 024 km/h
Operasionele hoogte 14 995 m
Togafstand 4 184 km
Klimvermoë 1 600 m per minuut
Bewapening 104 Mighty Mouse 70 mm ongeleide missiele of
27 vuurpyle en drie Falcon missiele.

Sien ook[wysig | wysig bron]

Bron[wysig | wysig bron]