Orlando Figes

in Wikipedia, die vrye ensiklopedie
Jump to navigation Jump to search
Orlando Figes

Orlando Guy Figes (/ˈfɪɪz/ (gebore op 20 November 1959) is 'n Britse geskiedkundige en skrywer wat bekend is vir sy werke oor die Russiese en Europese geskiedenis. Hy is professor van geskiedenis aan Birkbeck-kollege, Universiteit van Londen.

Figes is die beste bekend vir sy werke oor die Russiese geskiedenis, soos A People's Tragedy (1996), Natasha's Dance (2002), The Whisperers (2007), Crimea (2010) en Just Send Me Word (2012). A People's Tragedy is 'n studie van die Russiese Rewolusie en kombineer sosiale en politieke geskiedenis met biografiese besonderhede in 'n historiese verhaal.

Die Times Literary Supplement het A People's Tragedy gekies as een van die 100 invloedrykste boeke sedert die Tweede Wêreldoorlog. Die Financial Times het Figes genoem "die grootste storieverteller onder moderne Russiese geskiedkundiges".

Figes was die geskiedkundige konsultant van die 2012-rolprent Anna Karenina[1] en het ook as geskiedkundige konsultant gewerk aan die BBC-TV-reeks van 2016 oor Leo Tolstoi se Oorlog en Vrede, waarvan Tom Harper die regisseur en Andrew Davies die draaiboekskrywer was.

Figes dien op die redaksionele raad van die tydskrif Russian History,[2] skryf vir die internasionale pers, maak gereeld uitsendings op televisie en radio, skryf resensies vir die New York Review of Books en is 'n genoot van die Koninklike Letterkundegenootskap.[3]

Sy boeke is al in meer as dertig tale vertaal.[4] Sy Revolutionary Russia, 1891-1991 wat uitgegee is deur Pelican Books, 'n druknaam van Penguin Books, is ook hoog aangeprys.

Verwysings[wysig | wysig bron]

  1. "Anna Karenina cast". IMDb.com. Besoek op 24 Julie 2015.
  2. "Russian History". Brill Publishers. Besoek op 31 Augustus 2011.
  3. "Current RSL Fellows". Royal Society of Literature. Geargiveer vanaf die oorspronklike op 2 Oktober 2012. Besoek op 18 Maart 2014.
  4. "给记忆以一种前所未有的尊严_书评周刊·回声_新京报电子报". Epaper.bjnews.com.cn (in Azerbeidjans). Geargiveer vanaf die oorspronklike op 28 April 2019. Besoek op 8 Oktober 2017.