Péter Louis van Dijk

in Wikipedia, die vrye ensiklopedie
Jump to navigation Jump to search
Péter Louis van Dijk
GeboortenaamPéter Louis van Dijk
Geboorte1953
Rotterdam (Nederland)
Beroep(e)Komponis
Genre(s)Klassieke musiek
Portal.svg Musiekportaal

Péter Louis van Dijk (gebore 1953 te Rotterdam, Nederland) is 'n Suid-Afrikaanse komponis van ernstige musiek.

Vroeë lewe[wysig | wysig bron]

Péter Louis is die seun van Pieter en Gré van Dijk en is in 1953 in Rotterdam in Nederland gebore. Op die ouderdom van nege jaar het Péter Louis begin komponeer, nadat sy familie reeds in Kaapstad gevestig was. Verskeie van sy famililede was baie musikaal, maar sy oupa aan moederskant, Jan Phillipus van den Berg (1896–1983) (kerkorrelis vir meer as 50 jaar, pianis en komponis) en sy pa Pieter van Dijk (ywerige violis) staan uit.

Péter Louis het sy eerste formele musiekopleiding ontvang van Max Adler op sewejarige ouderdom en het later geleer om instrumente soos kitaar, viool, mandolien, tenoor tuba, sousafoon en perkussie te bespeel. Hy het in die kadetorkes en die simfonieorkes van die Athlone Hoër Seunskool in Johannesburg gespeel van 1967 tot 1968. Nadat die gesin terug getrek het Kaapstad toe in 1969 het hy weer klavierles geneem by Lettie Schlemmer en dr. Carl van Wyk.

Op negentienjarige ouderdom verskyn Van Dijk se eerste opera, The Contract, (libretto (operateks) van die komponis na 'n kortverhaal van Giovanni Papini) wat by die Skool vir Opera aan die UK (produksieleier, Vetta Wise), by die Little Theatre in Kaapstad, in November 1973 opgevoer is onder musikale regie van die komponis self.

As 'n student van die Suid-Afrikaanse Musiekkollege (1972–1975), 'n fakulteit van die Universiteit van Kaapstad, het Van Dijk klavierles by Carl Nietsche en Thomas Rajna, tjello by Harry Cremers, altviool by Franco Seveso en komposisie by Gideon Fagan en Stefans Grové (laasgenoemde as privaatstudent) gehad. Nadat hy die Onderwyserslisensiaat Diploma voltooi het, het Van Dijk Uitvoerende Diploma in blokfluit onder Richard Oxtoby verkry. Na 'n aantal jare sy hoërskool musiekonderwys (1975–1983) het hy sy B.Mus. (Komposisie) onder Peter Klatzow (1983) voltooi. In 2004 het hy sy doktorsgraad aan die Universiteit van Kaapstad verwerf.

Lewe van 1976 tot 1984[wysig | wysig bron]

'n Tweede opera van Van Dijk, Die Noodsein, (libretto van die komponis na die gelyknamige toneelstuk van Anna Rudolph) is geskryf en opgevoer deur die Skool vir Opera aan die UK in November 1975 (gedirigeer deur die komponis, produksieleier was Susi van Dijk – mede student en oorlede vrou van Van Dijk).

In 1976 was Van Dijk die jongste komponis om sy werke aan te bied vir die SAUK in Seepunt, Kaapstad, as deel van die Composer Speaks-reeks wat opgestel is deur KRUIK (Kaaplandse Raad vir Uitvoerende Kunste). Van die werke het Abstractions vir blokfluit en kitaar, Liedere van die Kruisiging – in Afrikaans – vir sopraan, klarinet, Franse horing, altviool, kitaar en klavier en die liedjiesiklus Stardrift, ingesluit.

Tussen 1976 en 1984 het Van Dijk verskeie kort en mediumlengte stukke geskryf waaronder Psalms and Interludes (1979) vir vokale kwartet en stereokasset (eerste uitvoering in die Baxter Konsertsaal, Kaapstad), From Death to Life, 'n liedjiesiklus vir hoë stem en kamerorkes (teks deur die komponis, première in die Baxter Konsertsaal met Susi van Dijk as sopraan en die Kaapstadse Kamerorkes o.l.v. Allan Stephenson, 1980) en die Klavierconcertino (1980–1983) die Lize Rudolph.

Na ongeveer 'n dekade van onderwys en klasgee by hoërskole in die Kaap (o.m. Departementshoof by die Kaapstadse Hoërskool), die Universiteit van Kaapstad (blokfluit, onderrigleer, repertorium, komposisie en orkestrasie) en die Universiteit van Wes-Kaapland (blokfluit en musiekonderrig) is Van Dijk uitgenooi om by KRUIK aan te sluit as Assistent Musiekbestuurder aan die begin van 1984 en sedert 1986 is hy 'n vryskut komponis, dirigent en deeltydse dosent.

Lewe van 1984 ot 2001[wysig | wysig bron]

Nadat Van Dijk sy eerste ateljee, genaamd The Nook, gevestig het in September 1986 (vir komponering en privaat lesse), het hy baie stukke gekomponeer in opdrag van hoofsaaklik KRUIK en die SAUK. Tussen 1986 en 2001 was Van Dijk se lewe redelik woes, deurspek met opvoertoere saam met sy vrou Susi, plaaslike en internasionale dirigeerwerk, opvoering, klasgee, aanbied van werkswinkels en die beoordeling van kompetisies.

'n Tweede, groter ateljee, The Music Factory, is in die middestad van Kaapstad in 1991 gestig en later nog een (1993–2002) teen Tafelberg. Van Dijk se loopbaan as privaat dosent het ten einde gekom na die dood van sy vrou in Oktober 2001. 'n Keerpunt in sy loopbaan was Van Dijk se eerste besoek aan Chicago, VSA in 1996, waar hy die Chicago Kinderkoor in uitvoerings van sy San Gloria gedirigeer het.

Lewe van 2002 tot huidig[wysig | wysig bron]

Van Dijk het heelwat werke tot sy repertoire gevoeg. Sedert die dood van sy eerste vrou, het Van Dijk getrou met 'n mede musikus en bekende koordirigent, Junita Lamprecht-Van Dijk, en het hy verhuis van Kaapstad na Port Elizabeth in die Oos-Kaap. Buiten die talle suksesvolle konserte as dirigent van die Oos-Kaapse Filharmoniese Orkes en die stigting van die Simfonie-orkes by die Nelson Mandela Metropolitaanse Universiteit (NMMU) (vroeër die Universiteit van Port Elizabeth), was Van Dijk 'n senior lektor in komposisie en musikologie by die Rhodes-Universiteit in Grahamstad. Saam met sy vrou gee hy klas vir voor- en nagraadse studente in die Koor-dirigeringsprogram by die NMMU.

Sy werke word deur die Oxford Universiteitsuitgewery, Hal Leonard, Accolade (Duitsland), Prestige en onder die Marco Polo handelsmerk uitgegee.

Die opera, earthdiving is uitgevoer by die Spier Fees in Kaapstad in Maart 2003 onder leiding van Van Dijk se seun, Xandi van Dijk.

Lys van komposisies[wysig | wysig bron]

Vokaal Solo[wysig | wysig bron]

  • Four American Songs – Sopraan en klavier (vir Susi van Dijk)
  • Three Medival Love Songs – Sopraan/Tenoor, blokfluit, tjello en klavesimbel
  • Beyond – Sopraan en klavier
  • Die liedjie van my Rietfluit – Altstem en sopraanblokfluit (in opdrag van Helena Lesch)
  • Two Old German Carols – Sopraan, blokfluit, tjello (of altviool) en klavier (1. Es ist ein Ros enstsprungen, 2. Kommet Ihr Hirten)
  • Stardrift: Four Songs – Liedjiesiklus vir hoë stem en klavier
  • From Death to Life – Liedjiesiklus vir hoë stem en kamerorkes

Koor-Orkes[wysig | wysig bron]

  • San Gloria – SATB koor, kamerorkes en orrel, gebaseer op Boesmanfragmente
  • Windy City Songs – Solo sopraan en bariton, gemengde koor, kinderkoor en orkes (in opdrag van die Chicago Kinderkoor vir hul 50ste bestaansjaar)
  • Magnificat – Gemengde koor en strykkwartet of -kwintet
  • Susa Ninna – Vreugdelied vir SATB koor en orkes (of koperblasers en orrel) (in opdrag van KRUIK vir die SAUK-koor)
  • Te Deum – SATB koor, orkes en orrel (geen viole) (in opdrag van St. John's College vir hul eeufeesvieringe)
  • Follow that Flute! - Verteller, kinderkoor en orkes (in opdrag van KRUIK)
  • Youth Requiem – Solo tenoor, kinderkoor en orkes (in opdrag van KRUIK vir die 1987 Jeug Musiekfees by die Nico Malan-operahuis)
  • The Musicians of Bremen – Verteller, gehoordeelname en orkes
  • The Selfish Giant – Kantata vir verteller, bariton, seunsopraan, kinderkoor en orkes
  • Songs of Celebration – SATB koor en orkes (in opdrag van KRUIK vir hul Silwer Jubileum in 1988)
  • Tropen und Spiegel – Solo sopraan, mezzosopraan en bariton, SATB koor, sopraanstemme en orkes

Koor (a capella of klein ensembles)[wysig | wysig bron]

  • Horizons – Twee kontratenore, tenoor, bariton en bas (in opdrag van die King's Singers)
  • Weeklag en Dansgebed – Gemengde koor, a capella SATB (in opdrag van Linda Claassens vir die Tygerberg Hoërskoolkoor)
  • Al lê die Berge – Gemengde koor, a capella SATB en sopraan solo (vanuit die koor)
  • Bells – Dubbelkoor – SSAA en SATB koor (in opdrag van die Chicago Kinderkoor)
  • Maria die zoude naar Bethleëm – SSAA koor en solo sopraan
  • Gifts – A capella SATB koor
  • Heretse (Lied van die Bobbejaan in Engels) – SSAA, güiro en klavier
  • Lihle iZulu – SSSAAA koor, twee sopraanblokfluite, strykkwartet en slagwerk (in opdrag van die St. Cyprian's Girls School)
  • Father Forgive – SSAA koor, solo tjello, Afrikatrom en buisvormige klok (in opdrag van die St. Cyprian's Girls School)
  • In Terra Pax – Boonste stemme (SA koor of solo sopraan en mezzosopraan), twee sopraanblokfluite, tjello en klavesimbel
  • African Gloria – Gemengde koor en klavier (of orrel)
  • Moonlight – Verwerking van die komponis se lied, Moonlight, vir Gemengde koor, met inleiding deur L van Beethoven
  • Book of Tides – Verwerking van JS Bach se Prelude no.22 vir Gemengde Koor, met lirieke deur die komponis
  • Ancient Waters – Verwerking van JS Bach se Prelude no.6 vir Gemengde koor, met lirieke deur die komponis
  • The Holy City – Verwerking van S Adams se lied, vir Gemengde koor
  • Psalmus – Gemengde koor (in opdrag van die IFCM [Internasionale Koorfederasie] vir die New Dublin Voices, ten tye van die 11de Wêreld Koor Simposium)
  • The Junk Man – Verwerking van 'n lied uit die komponis se Windy City Songs, vir Gemengde koor
  • Heimwee – Verwerking van S Le Roux Marais se lied, vir Gemengde Koor
  • Mali die Slaaf se Lied – Verwerking S Le Roux Marais se lied, vir Gemengde Koor
  • Chariots – Gemengde koor (in opdrag van die Nelson Mandela Universiteit Koor en Texas State Chorale)
  • Bohemian Rhapsody – Verwerking van F Mercury se lied, vir Gemengde Koor
  • Cessate – Gemengde koor (in opdrag van die PUK-Koor, ten tye van die 2009 Kuesta Nasionale Universiteitskore Fees)

Westerse Koor-orkesbewerkings[wysig | wysig bron]

  • Ring the Bells! - SATB, solo stem en orkes
  • Steal Away – SSA koor en orkes
  • Psalm 23 – SSA koor en orkes
  • Hark the Herald – SATB koor/gehoor en orkes
  • O Little Town – SATB koor/gehoor en orkes
  • O Little Town – SATB (koor opsioneel) weergawe vir verminderde [skoolvlak] orkes
  • Three Hymns – SATB koor, koperblasers, slagwerk en orrel
  • All in the April Evening – TTBB koor en orkes (oorspronklik SATB)
  • Laat daar Vrede op Aarde – SSAA & TTBB koor en orkes

Afrika Koor-orkesbewerkings[wysig | wysig bron]

  • Plea from Africa – Solo vrouestem, SATB koor en klein orkes/strykers (kwartet of kwintet)/koperblaas ensemble
  • Umaconsana – Gemengde koor en orkes
  • Sennanapo – Gemengde koor en orkes
  • Bawo Thixo Somandla – Gemengde koor en orkes
  • Bawo Thixo Somandla – Koperlbaaskwintet – met of sonder koor (bewerk vir die Gothenburg Simfonie Koperblasers)
  • Bantu Be-Afrika – Orkes (met/sonder koor)
  • Ingoma kaNtsikana – Gemengde koor en orkes
  • Akhala Amaqhude Amabili – Gemengde koor en orkes
  • Sizongena Laph’emzini – Gemengde koor en orkes
  • Umdudo kwaXhosa – Gemengde koor en orkes
  • Tsoha Moroki – Gemengde koor en orkes

Kamerorkeswerke[wysig | wysig bron]

  • iinyembezi – Strykkwartet
  • leaving africa (ways of parting)- duet: Klarinet (of altviool) en tjello
  • the song the San women sang – Twee klaviere (in opdrag van Gisela Lange vir die Mainzer Klavierduo)
  • novelette – Solo basviool en strykkwartet
  • Six Poetic Dances (oftewel Ses Digterlike Danse) – Fluit, viool, altviool (trio) (getranskribeer van die weergawe vir blokfluit)
  • Six Poetic Dances (oftewel Ses Digterlike Danse) – Blokfluit trio en slagwerk (ad lib)
  • papilio – Slagwerk duo

Instrumentaal (solos en duette)[wysig | wysig bron]

  • 5-4-2 – 5 kanoniese duette vir 2 sopraanblokfluite
  • Abstractions – Sopraanblokfluit en kitaar
  • Threes – Solo viool (of altviool) en klavier (geskryf vir die komponis se seun Matthijs)
  • Lullaby for Sascha – Sopraanblokfluit en klavier
  • Fantasy – Solo sopraanblokfluit (vir Christiane Maertin)
  • Six Short Duets – Deskant- en sopraanblokfluit (vir Beate & Christian Setzer)
  • Sarabande – Fluit en klavier (in opdrag van Brigitte McKee)

Orkes en -verwante werke[wysig | wysig bron]

  • San Chronicle – Orkes sonder viole
  • About Nothing – Orkes sonder harp
  • Christmas Overture (In Dulci Jubilo) – Orkes
  • Sarabande vir strykers – Solo altviool en strykorkes
  • Canti 2 – Strykorkes
  • Elegy–Dance–Elegy – Solo hobo d'amore (of sopraansaksofoon), harp, strykers en pouke (geskryf vir die Amerikaanse hoboïs Sharon Fligner–Lindquist)

Afrika Orkesbewerkings[wysig | wysig bron]

  • Bawo Thixo Somandla – Koperblaaskwintet (met/sonder koor)
  • Bawo Thixo Somandla – Orkes (met/sonder koor)
  • Ingoma kaNtsikana – Orkes (met/sonder koor)
  • Akhala Amaqhude Amabili – Orkes (met/sonder koor)
  • Sizongena Laph’emzini – Orkes (met/sonder koor)

Koperblaas- en konsertorkes[wysig | wysig bron]

  • The Rain’s People – Verteller en koperblaaskwintet (in opdrag van SAMRO vir Solid Brass)
  • Icarus Premonition – Konsertorkes (in opdrag van die Hoërskool Bellville)
  • Vukani – Konsertorkes (in opdrag van die Hoërskool Bellville)
  • Rotary Fanfare and March – Koperblasers en slagwerk

Opvoedkundig[wysig | wysig bron]

  • Nkosi Demos – Verteller, gehoor en orkes (na aanleiding van "Nkosi Sikelele' " deur Enoch Sontonga)
  • SanScapes – Geïnspireer deur die Boesmans. Verteller, gehoor en orkes

Verhoogwerke[wysig | wysig bron]

  • Die Noodsein – Opera in 1 bedryf
  • Macbeth – Opera in 1 bedryf met musiek van Verdi wat ge-Afrikaniseer is
  • Reineke Fuchs – Sangspel in 15 tonele (in Duits) (in opdrag van die Deutsche Schule Kapstadt)

Humoristies (met orkes)[wysig | wysig bron]

  • Beethoven or Bust (Concerto) ook bekend as The Da(l)be(r)g Variations – 'n Tweestryd vir klavier, blaaier en orkes
  • Brandenburg 7.2 – Komiese stuk vir "sopranino"-blokfluit, altviool, slagwerk (koekbak toerusting) en strykorkes
  • Clap! (and how to cure it) – Orkes en gehoordeelname (met toneelhelper)
  • The Oraltorio – Verteller (solo tenoor), solo SAB, koor en strykers
  • Bach in a Minuet – Stem, klavesimbel (of klavier) en strykers OF slegs stem en klavier

Allerlei bewerkings[wysig | wysig bron]

  • Ingoma kaNtsikana (Trad.) – Altsaksofoon en strykers
  • Bawo Thixo Somandla (Trad.) – Jeugorkes weergawe
  • Della (M Moerane) – Stem en Stryktrio (na die SATB-weergawe)
  • Cat’s Duet (Rossini) – Twee stemme en klein orkes
  • Cat’s Duet (Rossini) – Twee stemme en strykkwartet
  • Old Mother Hubbard (Hutchinson) – Solo stem (sopraan) en strykers
  • The Holy City (S Adams) – Solo sopraan (of tenoor) en orkes
  • You’ll never walk alone (R & H) – Vokale duet met orkes
  • Fill the World with Love (Bricusse) – Soliste en SATB koor met klein orkes

Tydelik onttrek[wysig | wysig bron]

  • The Contract – Opera in 1 bedryf
  • earthdiving – Opera in 2 bedrywe
  • The Prodigal Son – Ballet in 1 bedryf: Houtblasers, koperblasers, slagwerk, kunsstrykers (synth) en kinderkoor (in opdrag van KRUIK Ballet)
  • Christ of the Burnt Men – Ballet in 1 bedryf (na Sheila Cussons)
  • Kruisigingsliedere – Sopraan, klarinet, Franse horing, altviool, kitaar en klavier
  • Psalms and Interludes – Vokale kwartet en stereokasset
  • Vioolliefde – Toevallige musiek vir 'n SAUK radiodrama
  • Phantom of the Opera – Toevallige musiek
  • The Fall of the House of Usher – Toevallige musiek
  • Fiela se Kind – Toevallige musiek
  • Twelfth Night – Toevallige musiek
  • A Midsummer Night’s Dream – Toevallige musiek
  • Piano Concertino (1980–1983) – vir Lize Rudolph
  • Three Bosman Songs – Bariton solo, hobo, Engelse horing (cor anglais) en fagot
  • Lento vir viool en klavier – vir Xandi van Dijk
  • Scherzo vir viool en klavier
  • Julie Sketse (July Sketches) – Klaviersolo (4 stukke)
  • on quiet nights starlight ligte trillinga van die vingerpunte – klaviersolo
  • My Times – SATB koor a capella (van Psalm 31)