Parliament Hill, Londen

in Wikipedia, die vrye ensiklopedie
Spring na: navigasie, soek
'n Uitsig oor die middestad van Londen, met - van links na regs - die Gherkin, die woonsteltorings van die Barbican Estate, die Leadenhall-gebou (ook Cheesegrater of "Kaasrasper" genoem), 20 Fenchurch Street (ook bekend as The Walkie-Talkie), Sint Paulus se katedraal en The Shard
'n Tweede uitsig met Londen se twee finansiële distrikte en hul wolkekrabbers - Canary Wharf (links) en die City of London (in die middel)
Parliament Hill teen sononder

Parliament Hill is 'n oop parkland in die suidoostelike hoek van Hampstead Heath, 'n uitgestrekte groen ruimte in Hampstead, 'n noordwestelike voorstad van Londen, en een van die bekendste en uitstekendste uitsigpunte oor die Britse hoofstad. Vanaf die heuwel op 'n hoogte van 98 meter (322 voet) kry 'n mens 'n oorsig oor baie van Londen se bekendste bakens soos Canary Wharf, die nuwe finansiële distrik in die ooste, wolkekrabbers soos die Gherkin en The Shard asook St. Paulus se katedraal.

Die naamgewende Parlementsgebou (Houses of Parliament), wat 6 14 myl (10,1 km) suid van die heuwel in die City of Westminster geleë is, is steeds van Parliament Hill af sigbaar, al word die uitsig daarop intussen deur omliggende hoër geboue belemmer.

Parliament Hill word sedert 1989, net soos die res van Hampstead Heath, deur die City of London Corporation bestuur.

Eksterne skakels[wysig | wysig bron]

Koördinate: 51°33′37″N 0°9′39″W / 51.56028°N 0.16083°W / 51.56028; -0.16083