Parvati

in Wikipedia, die vrye ensiklopedie
Jump to navigation Jump to search
Parvati
Parvati in die vorm van Annapurna
Parvati in die vorm van Annapurna
Godin van mag
Devanagari पार्वती
Affiliasie Devi, Shakti
Woonplek Himalaja indien ongetroud,
andersins Kailash
Wapen (Trishul (Sanskrit: त्रिशूल), drietandvurk, trompetskulp,
tjakram, kruisboog, lotus.
Metgesel Shiva
Rydier Leeu of Tier

Parvati (Sanskrit: Pārvatī, पार्वती, Maleis: Parvati, Thais: Nang Oema-Dewi) is 'n Hindoegodin. Parvati word ook beskou as 'n manifestasie van Shakti, dog die sagte aspek van dié godin omdat sy 'n moedergodin is. Parvati word beskou as die oppergoddelike moeder en alle ander godinne word na verwys as haar inkarnasies of manifestasies. Shaktas beskou haar as die uiteindelike goddelike Shakti — die beliggaming van die totale energie in die heelal.

Parvati is nominaal die tweede gade van Shiva, die Hindoegod van vernietiging en hernuwing. Sy is egter nie verskillend van Satī nie aangesien sy die reïnkarnasie van dié voormalige gade van Shiva is. Parvati is die moeder van die gode Ganesha en Skanda. Sommige gemeenskappe glo ook dat sy die suster van die god Vishnu is. Sy word ook beskou as die dogter van die Himalaya.

Parvati verskyn, wanneer sy langs Shiva uitgebeeld word, met twee arms, maar wanneer sy alleen uitgebeeld word, word sy vertoon met vier arms en op die rug van 'n tier of leeu. Hoewel sy oor die algemeen as 'n goedhartige godin beskou word, het Parvati ook vreesaanjaende aspekte soos Durgha, Kali, Thandi en die Mahawidjas benewens welwillende vorme soos Mahagauri, Shailputri en Lalita.

Verwysings[wysig | wysig bron]