Pentagram

in Wikipedia, die vrye ensiklopedie
Spring na: navigasie, soek
’n Eenvoudige voorbeeld van ’n pentagram.
Deur die verhouding van die gulde snede word die simbool tot in die oneindigheid voortgesit. Die binneste pentagram het ’n omgekeerde oriëntasie.

’n Pentagram is ’n vyfpuntige ster wat met vyf reguit lyne getrek word en is een van die oudste simbole in die wêreld. Dit is al meer as 4 000 jaar voor Christus gebruik. Die naam stam van die Griekse πεντάγραμμον (pentagrammon), wat vyf lyne beteken. ’n Ou woord vir die pentagram is ’n drudevoet.

Wiskundige figuur[wysig | wysig bron]

Die pentagon is ’n sterveelhoek. Dit het 10 hoekpunte, wat vyf-vyf op twee verskillende sirkels lê, maar met dieselfde middelpunt. Die vyf punte op dieselfde van die twee sirkels vorm ’n reëlmatige vyfhoek. Die verhouding tussen die afstand tussen twee opeenvolgende hoekpunte, een op die buitenste sirkel en een op die binnenste sirkel, en die afstand tussen twee opeenvolgende hoekpunte op die binnenste sirkel, word die gulde snede genoem. Die prisma, wat van die pentagram afgelei is, heet ’n pentagramprisma.

Simboliek[wysig | wysig bron]

Die simbool word op baie plekke gebruik, onder meer in logo's van militêre organisasies. Dit word ook in die esoterie en okkultisme as simbool gebruik. Dit is oorspronklik ’n heidense, voorchristelike teken. Wiskunde was in die Middeleeue een van sewe verbode kunste en deur sy verbintenis met wiskunde het die pentagram ’n negatiewe betekenis gekry.

Die pentagram kom dikwels in Wicca-kringe voor, waar dit verbind word met die elemente en spiritualiteit. In die middel van die 19de eeu is die volgende onderskeid getref: Met die punt omhoog sou dit goed wees, na die hemel gerig; met die punt na onder sou dit sleg wees, na die onderwêreld gerig.[1][2] Die krag van die simbool lê daarin dat dit in beginsel albei oriëntasies behels: In die vyf grootste kruispunte van die ster pas ’n kleiner ster met ’n presies omgekeerde oriëntasie. So dra die goeie die slegte in hom en omgekeerd. In moderne satanisme word ’n omgekeerde weergawe van die pentagram gebruik. Sommige mense sien dit dan ook as ’n simbool van Satan.

Die pentagram word ook beskou as die simbool van volmaaktheid en vroulikheid:

  • Die planeet Venus, die simbool van vroulikheid, vorm ’n pentagram in sy pad deur die sterre vanweë sy retrograde bewegings.
  • Die pentagram kan staan vir die ewewig van die vyf antieke elemente.
  • Dit kan ook staan vir die vyf klassieke sintuie: gevoel, gesig, reuk, hoor en smaak.

Galery[wysig | wysig bron]

Verwysings[wysig | wysig bron]

  1. Hartmann, Franz (c. 1895). Magic, White and Black. 
  2. Levi, Eliphas (1855). Transcendental Magic, its Doctrine and Ritual. 

Eksterne skakels[wysig | wysig bron]