Philip Glass

in Wikipedia, die vrye ensiklopedie
Philip Glass
Philip Glass in 1993
Agtergrondinligting
Gebore31 Januarie 1937 (1937-01-31) (87 jaar oud)
Baltimore, Maryland, Verenigde State
GenresMinimal music
Klassieke musiek
Ambient music
Beroep(e)Komponis
Jare aktief1956 -
EtiketteVirgin Records
CBS Records
Nonesuch/Elektra Records
Sony Classical/SME Music
Orange Mountain Music
WebwerfAmptelike webwerf

Philip Glass is 'n Amerikaanse musikant en komponis. Sy musikale werk word as een van die invloedrykstes van die laat 20ste eeu beskou. Saam met Steve Reich, Terry Riley en La Monte Young het Glass kunsmusiek soos Minimal music aan 'n breë publiek bekend gestel.

Al word na Philip Glass se komposisies dikwels as Minimal music verwys, het hy hom ten opsigte van sy latere werk van hierdie kategorisering gedistansieer en homself as 'n komponis beskryf wat "musiek met herhalende strukture" skep. Sy vroeë werk deel baie kenmerke met stukke wat gewoonlik as "minimalisties" geklassifiseer word, maar sy musiekstyl het mettertyd verder ontwikkel. So beskou Glass homself tans as 'n "klassisis" en verwys na die feit dat sy musikale opleiding onder meer harmonie en kontrapunt ingesluit het en dat hy saam met Nadia Boulanger die musiek van komponiste soos Franz Schubert, Johann Sebastian Bach en Wolfgang Amadeus Mozart bestudeer het.

Philip Glass is 'n vrugbare komponis: hy het werke vir sy eie musiekensemble, die Philip Glass Ensemble (waar hy steeds klawerbord speel), asook operas, musikale toneelstukke, tien simfonieë, tien concerto's, solostukke, kamermusiek (waaronder strykkwartette en instrumentele sonatas) en filmmusiek geskryf. Drie van sy filmklankbane is vir Academy Awards genomineer.

Lewe en werk[wysig | wysig bron]

Vroeë lewe, opleiding en invloede[wysig | wysig bron]

Philip Glass is op 31 Januarie 1937 in Baltimore in die Amerikaanse deelstaat Maryland as seun van Ida (née Gouline) en Benjamin Charles Glass in 'n familie van Joodse immigrante uit Litaue gebore. Sy pa het 'n platewinkel bedryf, en so kon Philip reeds op vroeë ouderdom begin om 'n plateversameling op te bou wat hoofsaaklik uit onverkoopte langspelers bestaan het, met werke van moderne komponiste soos Paul Hindemith, Béla Bartók, Arnold Schönberg en Dmitri Sjostakowitsj asook westerse klassieke musiek (insluitende Ludwig van Beethoven se Strykkwartette en Franz Schubert se Klaviertrio no. 1 wat Glass as 'n groot musikale invloed beskryf het).

Invloede[wysig | wysig bron]

Naas sy komposisies volgens die tradisies van westerse klassieke musiek, word Glass se musiek ook met rock, ambient, elektroniese musiek en wêreldmusiek verbind. Vroeë bewonderaars van sy musikale minimalisme sluit musici soos Brian Eno en David Bowie in. Twee langspelers, wat uit die samewerking tussen Eno en Bowie in die laat 1970's in Berlyn voortgespruit het – Low en Heroes – het as inspirasie vir Glass se simfonieë Low (Simfonie nr. 1, 1992) en Heroes (Simfonie nr. 4, 1996) gedien.

Eksterne skakels[wysig | wysig bron]