Porsche Boxster

in Wikipedia, die vrye ensiklopedie
Spring na: navigasie, soek
2002 Porsche Boxster

Die Porsche Boxster is 'n mid-enjin tweesitplek kompakte sportmotor wat deur Porsche gebou word. Die Boxster, 'n roadster, is in 1996 vrygestel en die Cayman het teen laat-2005 die mark betree as die koepeeweergawe. Die Boxster is Porsche se eerste padvoertuig wat oorspronklik as 'n roadster ontwerp is sedert die 550 Spyder.

Die eerstegeslag Boxster (die 986) is teen laat-1996 vrygestel, en was aangedryf deur 'n 2,5-liter platsessilinderenjin. Die ontwerp is sterk beïnvloed deur die 1992 Boxsterkonsep. In 2000 is die basismodel opgegradeer na 'n 2.7 liter-enjin en die nuwe Boxster S variant is vrygestel met 'n 3,2 liter-enjin. In 2003 is die stilering en enjinlewering op beide variante opgegradeer.

In 2005 het Porsche die tweedegeslag van die Boxster onthul: die tipe 987. Die 987 is meer kragtig as sy voorganger en bied stilering geïnspireer deur die Carrera GT. Enjinkrag is verhoog in 2007, toe beide Boxster modelle die enjins van hul ooreenstemmende Porsche Cayman variante begin gebruik het. Die derde geslag Boxster (tipe 981) is by die 2012 Geneefse Internasionale Motorskou bekendgestel.

Produksie van die 986 het by die voormalige Porsche 928 fasiliteit in Stuttgart, Duitsland begin in 1996. Valmet Motor vervaardig ook Boxsters onder kontrak by Porsche se fasiliteit in Uusikaupunki, Finland. Die Boxster was Porsche se besverkoper sedert sy bekendstelling in 1996 totdat die maatskappy hul Cayenne sportnutsvoertuig in 2003 vrygestel het. Sedert September 2012, is met bykomende produksie van die 981 by die voormalige Karmann-fabriek in Osnabrück begin.[1]

2006 Porsche Cayman S, 'n soortgelyke model

Verwysings[wysig | wysig bron]

  1. First Porsche Boxster rolls off the production line at Volkswagen Osnabrück”. VW AG. 19 September 2012. URL besoek op 19 September 2012.