Porsche Panamera

in Wikipedia, die vrye ensiklopedie
Jump to navigation Jump to search
First generation (970)
Porsche Panamera 4S front 20100428.jpg
Porsche Panamera 4S (voor opkikkering)
Oorsig
Produksie April 2009–2016
Modeljare 2010–2016
Montering Leipzig, Duitsland
Ontwerper Michael Mauer
Bakstyl 4-deur fastback[1][2][3][4]
Spesifikasies
Enjin 3.0 L V6 Turbo-diesel
3.6 L V6 (Panamera/Panamera 4)
3.0 L V6S (Panamera S Hybrid)
4.8 L V8 (Panamera S/Panamera 4S)
4.8 L V8 (Panamera GTS)
Ratkas 6-gang handrat
7-gang PDK dubbelkoppelaar
8-gang Aisin Tiptronic S
Lengte 4970 mm
Breedte 1931 mm
Hoogte 1418 mm
Massa 1870 kg
Asafstand 2900 mm

Die Porsche Panamera is 'n luukse vierdeursportsedan.[1][5][6] Dit is agterwielaangedrewe met 'n voorenjin, met allewieldryfweergawes ook beskikbaar.

Die Porsche Panamera produksiemodel is onthul by die 13de Auto Sjanghai Internasionale Motorskou in Sjanghai, China, in April 2009.[7] In 2011 is hibriede en dieselweergawes vrygestel. In April 2013 is die Panamera opgekikker, en weer by die Sjanghai Motorskou vrygestel.[8] 'n Inprophibriede weergawe, die Panamera S E-Hybrid, is in die Amerikaanse mark vrygestel in November 2013.

Konsep en beskrywing[wysig | wysig bron]

Die Porsche 989 konsepmotor in die Porsche-museum in Stuttgart, Duitsland

Die Panamera se naam is afgelei, soos die Porsche Carrera lyn, van die Carrera Panamericana motorren. Die Panamera word oor die algemeen beskou as die langverwagte vrug van Porsche se 989 konsep van die laat-1980's.

Soos die Porsche Cayenne sportnutsvoertuig (wat die handelsmerk se topverkoper-voertuig geword het) het die Panamera baie Porsche-puriste ontstel, want dit is gesien as 'n poging om Porsche se bekoring wyer as net die geharde liefhebbers te verbreed. Die Panamera hardloop in stryd met die maatskappy se handtekeninglyne, veral sy ligte tweedeur agterenjin sportmotors soos die 911. Die Panamera word aan die ander kant beskou as 'n volgrootte luukse motor, wat byna 1 800 kg (4 000 lb) weeg met vier deure, en sy enjin gemonteer aan die voorkant. Die Panamera se voorkoms met sy lang enjinkap en agterluik dra egter ooreenkomste met 'n gestrekte 911.[9] Die ikoniese 911 het 'n beknopte binneruim, dus slegs gefokus op rou prestasie, terwyl die Panamera oor 'n weelderige binneruim beskik, gelaai met moderne tegnologiese geriewe, duur klankstelsel en leerbekleedsel.[10][11]

Produksie[wysig | wysig bron]

Enjins word die eerste in Stuttgart gemonteer, en die motor se bakwerk word gebou, geverf en finale gemonteer in Leipzig, Duitsland, saam met die Cayenne en Macan.[12] Vanaf 2009 tot 2016 word bakwerke in die Volkswagen Groepfasiliteit in Hannover vervaardig.[13]

Produksie het in April 2009 'n aanvang geneem, 'n maand na sy debuut by die Sjanghai Motorskou in Sjina.[14]

Porsche Panamera Turbo (voor opkikkering)
Binneruim

Die V8-aangedrewe Panamera S, 4S, en Turbo-modelle was die eerste weergawes wat gedebuteer het in 2009. Bykomend tot die 4.8 L V8 Twin Turbo van 373 kW (500 remperdekrag), het Porsche twee verdere modelle in 2010 bekend gestel: die Panamera en Panamera 4 wat albei aangedryf word deur 3.6 liter-V6 enjins van 224 kW (300 remperdekrag).

Verwysings[wysig | wysig bron]

  1. 1,0 1,1 2010 Porsche Panamera S test.
  2. "Last Auto News – Porsche Panamera Sedan Launched – Shows A "Liftback" Bodystyle | Auto News - Daily Last Auto News". Lastautonews.com. Besoek op 2010-10-03.
  3. "2010 Porsche Panamera Photo Trunk Open - Consumer Guide Automotive". Consumerguideauto.howstuffworks.com. 2007-07-30. Besoek op 2010-10-03.
  4. "All Panamera Models - All Porsche Vehicles - HOME - Dr. Ing. h.c. F. Porsche AG". Porsche.com. Besoek op 2011-03-24.
  5. Porsche ready with new Panamera.
  6. First Drive 2010 Porsche Panamera.
  7. "2010 Porsche Panamera: 20 New Photos". Left Lane. 2008-11-25. Besoek op 2008-11-30.
  8. 2013 Porsche Panamera revealed in pictures.
  9. 2010 Porsche Panamera reviews.
  10. Porsche Panamera.
  11. Porsche Panamera.
  12. Porsche moves full production of Panamera to Leipzig.
  13. Porsche Panamera konsep.
  14. Porsche Panamera to start production in April 2009.
Hierdie artikel is in sy geheel of gedeeltelik vanuit die Engelse Wikipedia vertaal.