Potifar
| |||||||||||
| Potifar pꜣ-dj-pꜣ-rꜥ in hiërogliewe |
|---|
Potifar (Hebreeus: פּוֹטִיפַר / פּוֹטִיפָר, Pōṭīfar / Pōṭīp̄ar; Egipties: pꜣ-dj-pꜣ-rꜥ, "hy wat Ra gegee het")[1] is 'n figuur in die Ou Testament en die Koran. Sy naam dui moontlik op dieselfde figuur as Potifera (Hebreeus: פוטיפרע).
Agtergrond[wysig | wysig bron]
Potifar was hoof van die farao se lyfwag wat vir Josef as 'n slaaf gekoop en hom oor sy hele huishouding aangestel het.[2] Potifar se vrou het van die aantreklike Josef gehou en hom probeer verlei. Toe Josef haar attensies van die hand wys en weghardloop, het sy hom valslik beskuldig van poging tot verkragting en Potifar het hom laat opsluit.
Dié vals beskuldiging speel 'n belangrike rol in Josef se verhaal, want as dit nie daarvoor was nie, sou hy nooit die medegevangene ontmoet het wat hom aan die farao bekend gestel het nie.
Godsdienstige verwysings[wysig | wysig bron]
Dit is moeilik om Potifar of Josef akkaraat aan 'n spesifieke farao of periode te verbind. Volgens die Joodse kalender is Josef in die jaar 2216 gekoop, wat 1544 v.C. is, aan die einde van die Tweede Oorgangstydperk of aan die begin van die Nuwe Ryk.
Verwysings[wysig | wysig bron]
- ↑ Ulmer, Rivka (15 Desember 2009). Egyptian Cultural Icons in Midrash (in Engels). Walter de Gruyter. ISBN 9783110223934. [1]
- ↑ Genesis 39:1-4, Soera 12:21
Bibliografie[wysig | wysig bron]
- Osman, A. (1987) The Hebrew Pharaohs of Egypt, Bear & Co.: Rochester, Vermont. ISBN 9781591430223.
Skakels[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
Normdata  |
|
|---|