Prinses Alice van Battenberg

in Wikipedia, die vrye ensiklopedie
Spring na: navigasie, soek
Prinses Alice van Battenberg
’n Beeld van die betrokke persoonlikheid.
Prinses Alice in 1885.

Geboortenaam Victoria Alice Elizabeth Julia Marie
Gebore (1885-02-25)25 Februarie 1885
Windsor-kasteel, Engeland
Oorlede 5 Desember 1969 (op 84)
Buckingham-paleis, Londen
Ouers Prins Ludwig van Battenberg
Prinses Victoria van Hesse-Darmstadt
Titel Prinses
Huweliksmaat Prins Andrew van Griekeland en Denemarke
Kind(ers) Margarita
Theodora
Cecilie
Sophie
Prins Philip, Hertog van Edinburg
Signature of Princess Alice of Battenberg, later Princess Andrew of Greece and Denmark.jpg

Prinses Alice van Battenberg, later prinses Andrew van Griekeland en Denemarke (Victoria Alice Elizabeth Julia Marie; 25 Februarie 18855 Desember 1969), was die ma van prins Philip, Hertog van Edinburg, en die skoonma van koningin Elizabeth II.

Lewe[wysig | wysig bron]

Portret deur Philip de László, 1907. (Privaat versameling van prins Philip, Hertog van Edinburg.)

Alice was ’n agterkleindogter van koningin Victoria en het in Duitsland, Engeland en die gebied om die Middellandse See grootgeword. Sy was doof weens oorerflike faktore. Nadat sy in 1903 met prins Andrew van Griekeland en Denemarke getroud is, het sy in Griekeland gewoon totdat die Griekse koninklike familie in 1917 uit die land verban is. Toe haar man ’n paar jaar later terugkeer, is hy gedeeltelik geblameer vir die feit dat Griekeland die Grieks-Turkse Oorlog (1919–1922) verloor het en die gesin is weer eens verban tot met die herstel van die Griekse monargie in 1935.

In 1930 is skisofrenie by haar gediagnoseer en sy is in ’n inrigting in Switserland opgeneem. Daarna het sy en haar man nie meer saamgewoon nie. Ná haar herstel het sy die meeste van haar tyd aan welsynwerk in Griekeland gewy. Sy het ook ’n Oosters-Ortodokse kloosterorde vir nonne gestig met die naam Christelike Susterskap van Martha en Maria.

Ná die val van koning Konstantyn II van Griekeland en die militêre oorname van die land in 1967 is sy deur haar seun en skoondogter genooi om in Buckingham-paleis in Londen te woon waar sy twee jaar later oorlede is.

Eksterne skakels[wysig | wysig bron]