Suikerbosvoël
| Suikerbosvoël | |
|---|---|
_3.jpg)
| |
| 'n Kaapse suikervoël (Promerops cafer) | |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Familie: | Promeropidae
|
| Genus: | Promerops Brisson, 1760
|
| Spesies | |
Die familie suikerbosvoëls (Promeropidae) is die enigste voëlfamilie wat eie is aan Suider-Afrika. Kenmerkend vir die twee spesies is die buitengewoon lang sterte en die lang, geboë snawels. Die familie van die suikerbosvoëls (Promeropidae) bestaan uit slegs twee spesies, naamlik die Kaapse suikervoël (Promerops cafer) en die rooiborssuikervoël (Promerops gurneyi).
Verspreiding[wysig | wysig bron]
.jpg)
Eersgenoemde kom net in die bergagtige streke van die ou Kaapprovinsie voor, terwyl laasgenoemde noord tot selfs by Zimbabwe aangetref word. Die opvallendste kenmerk van hierdie betreklik vaalkleurige voëls is hul buitengewoon lang sterte. Die stert van die mannetjie van die Kaapse suikerbosvoël kan tot 32 cm lank word en dié van die rooiborssuikerbosvoël tot 17 cm.
Die wyfies van albei spesies het korter sterte. Die rooiborssuikerbosvoël onderskei hom verder van die ander spesie deur sy rooibruin kroon en bors.
Voeding en voortplanting[wysig | wysig bron]
Suikerbosvoëls leef hoofsaaklik van insekte, maar suig ook graag nektar uit proteablomme met behulp van hul lang, geboë snawels. Die voëls word hoofsaaklik in gebiede aangetref waar proteas groei en maak ook by voorkeur hul neste hoog in proteabosse.
Die Kaapse suikerbosvoël broei in die herfs of winter en die rooiborssuikerbosvoël in die somer. Die wyfies bou die nes alleen en broei ook alleen die eiers (gewoonlik twee) uit.
Bronnelys[wysig | wysig bron]
- Wêreldspektrum, 1982, ISBN 0-908409-68-0, volume 27, bl. 28
Eksterne skakels[wysig | wysig bron]
Wikimedia Commons het meer media in die kategorie Suikerbosvoël.
Wikispecies het meer inligting verwant aan Suikerbosvoël
