Protoslawies

in Wikipedia, die vrye ensiklopedie
Jump to navigation Jump to search

Protoslawies is die onbekende, gerekonstrueerde taal waaruit al die Slawiese tale ontstaan het. Dit verteenwoordig die taal wat die Slawiërs van omstreeks die 5de tot die 9de eeu gepraat het. Nes met ander prototale is geen geskrifte al ontdek nie; geleerdes het die taal gerekonstrueer met inagneming van bekende Slawiese en ander Indo-Europese tale.

In die tyd dat die taal gepraat is, het die Slawiessprekende streek geweldig uitgebrei, en daarmee saam die taal. Verskillende dialekte het vroeg in dié tyd begin ontstaan, maar algemene taalkundige eenvormigheid en wedersydse begrip tussen die dialekte het nog ’n paar eeue voortgeduur. Klankveranderings het dikwels oor die hele gebied versprei.

Die Protoslawiese tydperk word gewoonlik in drie dele verdeel:

  • ’n vroeë tyd met min of geen dialektiese verskille
  • ’n middelste tyd met gemiddelde dialektiese verskille
  • ’n laat tyd met aansienlike verskille

Die eerste Slawies wat in geskrifte aangetref word, is ’n dialek uit die laat 9de eeu wat om Thessaloniki in Masedonië (Griekeland) gepraat is; dit word aangetref in Ou Kerkslawiese manuskripte.

Eksterne skakels[wysig | wysig bron]


Indo-Europese tale: Satem-tale: Slawiese tale
Wes-Slawiese tale:
Kasjoebies | Polabies (†) | Pools | Slowaaks | Silesies | Sorbies (Neder-Sorbies, Opper-Sorbies) | Rusyn (Rusnak) | Tsjeggies
Oos-Slawiese tale:
Oud-Oos-Slawies (†) | Oekraïens | Russies | Rusyn (Roeteens) | Wit-Russies
Suid-Slawiese tale:
Bulgaars | Masedonies | Sloweens | Serwo-Kroaties (Bosnies, Kroaties, Montenegryns, Serwies)
Kunsmatige tale:
Protoslawies | Kerkslawies (Ou Kerkslawies)