Río Putumayo

in Wikipedia, die vrye ensiklopedie
Río Putumayo – Rio Içá
Die Río Putumayo in Puerto Asís, Colombia.
Die Río Putumayo in Puerto Asís, Colombia.
Die Río Putumayo in Puerto Asís, Colombia.

Die stroomgebied van die Río Putumayo.

Oorsprong naby Paso, Andes (Colombia)
Monding Amasonerivier naby Santo Antônio do Içá, Brasilië
Stroomgebied Colombia, Peru, Ecuador en Brasilië
Lengte 1 610 km (1 000 myl)[1]
Oorspronghoogte 2 527 m (8 291 voet)
Mondinghoogte 75 m (245 voet)
Gemiddelde afloop 8 760 m³/s[2]
Stroomgebiedopp. 148 000 km²[2]
Die Río Putumayo naby die dorp Santana, Colombia
Die Río Putumayo naby die dorp Santana, Colombia

Die Río Putumayo (Portugees: Río Içá; Quechua: putu mayu, putu "vrugteboom-vaartuig", mayu "rivier", letterlik "rivier wat ontspring, waar plante groei wie se vrugte gebruik word as gereedskap") is 'n groot suidoos-vloeiende rivier in Suid-Amerika. Die rivier, met 'n lengte van 1 610 km, is die grootste rivier in Suid-Colombia. Die Río Putumayo is in sy hele verloop bevaarbaar en dus meer belangrik as die Rio Japurá, wat net noord parallel tot die Río Putumayo vloei.

Die Río Putumayo ontspring naby Pasto in die Colombiaanse Andes uit die La Concha-meer, waar die rivier Guamués genoem word. Aansluitend verlaat die rivier die Andes en vloei dit in 'n suidoostelike rigting deur tropiese reënwoud. Vanaf Puerto Asís vorm die Río Putumayo vir sowat 1 500 km Colombia se suidwestelike grens tot Ecuador en Peru, voordat die rivier weer vir 'n kort tyd net deur Colombia se suidooste vloei. Aansluitend bereik die rivier die grens van Brasilië, waar dit Río Içá genoem word. Naby Santo Antônio do Içá in die deelstaat Amazonas mond die rivier in die Amasonerivier, hier ook Rio Solimões genoem, uit.

Verwysings[wysig | wysig bron]

  1. (en) Ziesler, R.; Ardizzone, G.D. (1979). "Amazon River System". The Inland waters of Latin America. Food and Agriculture Organization of the United Nations. ISBN 92-5-000780-9. Geargiveer vanaf die oorspronklike op 8 November 2014. Besoek op 5 Maart 2015.
  2. 2,0 2,1 (en) Barthem, R.B. et al.: Global International Waters Assessment, Regional Assessment 40B – Amazon Basin, UN Environment Programme, Kalmar 2004.