RW Cephei

in Wikipedia, die vrye ensiklopedie
RW Cephei
Die posisie van RW Cephei (in die rooi sirkel).
Die posisie van RW Cephei (in die rooi sirkel).
Sterrebeeld Kefeus
Spektraaltipe K2 0-Ia[1] (G8 - M2Ia-0[2])
Soort Rooi- of geelhiperreus
Waarnemingsdata (Epog J2000)
Regte klimming 22h 23m 07.01521s
Deklinasie +55° 57′ 47.6244″
Skynmagnitude (m) +6,65[3] (6,0-7<6[2])
Absolute magnitude (M) -8,0[4] tot -9,4[5]
B-V-kleurindeks  2,22[3]
U-B-kleurindeks  2,38[3]
Besonderhede
Massa (M☉) 13,9±5,2[6]
Radius (R☉) 940
Ligsterkte (L☉) 300 000[7]
Ouderdom (jaar) 18,7±10,2 miljoen[6]
Temperatuur (K) 4 400[7]
Afstand (ligjaar) Sowat 11 000
Metaalinhoud [Fe/H] 0,17±0,20[8]
Eienskappe
Veranderlikheid Halfgereeld (SRd)[9]
Ander name
HD 212466, HIP 110504, SAO 34387, BD+55°2737, AAVSO 2219+55A[10]
Portaal  Portaalicoon   Sterrekunde

RW Cephei is 'n K-tipe hiperreus en veranderlike ster in die sterrebeeld Kefeus. Dit is naby die kant van die H II-gebied Sharpless 132 en naby die klein oop sterreswerm Berkeley 94 geleë. Dit is een van die grootste bekende sterre, met 'n radius van byna 1 000 keer dié van die Son. In die Sonnestelsel sal dit byna tot by Jupiter se wentelbaan strek.

Sy temperatuur, wat tussen dié van 'n rooisuperreus en geelhiperreus lê, het daartoe gelei dat dit soms as 'n rooihiperreus[11][12] en ander kere as 'n geelhiperreus beskou word.[13][14]

Veranderlikheid[wysig | wysig bron]

'n Ligkurwe vir RW Cephei.[15]
11,9 μm-beeld van die uitgebreide emissie om RW Cephei.

Die omvang van RW Cephei se magnitude is aanvanklik aangegee as 8,2-8,8 volgens fotografiese plate,[16] terwyl latere studies dit bepaal het as 8,6-10,7,[17][9] met die aanmerking dat die maksimum en minimum nie met sekerheid vasgestel kan word nie.[17]

Die ster word geklassifiseer as 'n halfgereelde veranderlike ster, wat beteken dit is 'n geelreus of -superreus waarvan die helderheid stadig wissel. Die General Catalogue of Variable Stars haal 'n studie van 1952 aan wat 'n pulseringstydperk van sowat 346 dae aangee,[17][9] terwyl ander studies verskillende tydperke aangee.[18]

Groot verdowwings[wysig | wysig bron]

In Desember 2022 is berig die ster het 'n groot verdowwing ondergaan en 'n lae magnitude van 7,6 bereik.[12][19] Dit is vermoedelik weens kort tydperke van groot massaverlies wat gelei het tot die kondensasie van die stof wat die stellêre fotosfeer gedeeltelik verberg.[7] Die voorval word vergelyk met die groot verdowwing van Betelgeuse laat in 2019[7][12][19][20] en die verdowwings wat gesien is in die historiese ligkurwe van VY Canis Majoris.[7]

Vorige waarnemings met die gebruik van fotografiese plate in 1948 en 1951 het 'n soortgelyke verdowwing van magnitude 9,16 tot 9,5 onthul, wat gevolg is deur 'n vinnige verheldering tot by magnitude 8,9.[21]

Massaverlies[wysig | wysig bron]

Die ster toon aansienlike bewyse van sirkumstellêre materiaal in sy spektrum.[22][23] Die IRAS-laeresolusiespektrum toon tekens van opties digte silikaatemissies by 10 en 18 μm,[24] 'n aanduiding van groot massaverlies.[23]

Die huidige massaverlies van RW Cephei word bepaal op 7×10−6 M☉ per jaar.[7] Ontledings het daarop gedui dat die ster sowat 95-140 jaar gelede die einde van 'n tydperk van vergrote massaverlies bereik het.[7]

Verwysings[wysig | wysig bron]

  1. ↑ Keenan, P. C.; Yorka, S. B. (1988). "1988 Revised MK Spectral Standards for Stars GO and Later". Bulletin d'Information du Centre de Données Stellaires. 35: 37. Bibcode:1988BICDS..35...37K.
  2. ↑ 2,0 2,1 Watson, C. L. (2006). "The International Variable Star Index (VSX)". The Society for Astronomical Sciences 25th Annual Symposium on Telescope Science. Held May 23–25. 25: 47. Bibcode:2006SASS...25...47W.
  3. ↑ 3,0 3,1 3,2 Ducati, J. R. (2002). "VizieR Online Data Catalog: Catalogue of Stellar Photometry in Johnson's 11-color system". CDS/ADC Collection of Electronic Catalogues. 2237: 0. Bibcode:2002yCat.2237....0D.
  4. ↑ Stencel, Robert E.; Pesce, Joseph E.; Hagen Bauer, Wendy (1988). "Far-infrared circumstellar 'debris' shell of red supergiant stars". Astronomical Journal. 95: 141. Bibcode:1988AJ.....95..141S. doi:10.1086/114622.
  5. ↑ Humphreys, R. M. (1984). "The brightest stars in the Magellanic Clouds and other late-type galaxies". IAU Symposium. 108: 145–156. Bibcode:1984IAUS..108..145H. doi:10.1017/S0074180900040134.
  6. ↑ 6,0 6,1 Tetzlaff, N.; Neuhäuser, R.; Hohle, M. M. (2011). "A catalogue of young runaway Hipparcos stars within 3 kpc from the Sun". Monthly Notices of the Royal Astronomical Society. 410 (1): 190–200. arXiv:1007.4883. Bibcode:2011MNRAS.410..190T. doi:10.1111/j.1365-2966.2010.17434.x. S2CID 118629873.
  7. ↑ 7,0 7,1 7,2 7,3 7,4 7,5 7,6 Jones, Terry Jay; Shenoy, Dinesh; Humphreys, Roberta (Mei 2023). "The Recent Mass Loss History of the Hypergiant RW Cep". Research Notes of the American Astronomical Society. 7 (5): 92. Bibcode:2023RNAAS...7...92J. doi:10.3847/2515-5172/acd37f. ISSN 2515-5172.
  8. ↑ Davies, Ben; Kudritzki, Rolf-Peter; Figer, Donald F. (September 2010). "The potential of red supergiants as extragalactic abundance probes at low spectral resolution". Monthly Notices of the Royal Astronomical Society. 407 (2): 1203–1211. arXiv:1005.1008. Bibcode:2010MNRAS.407.1203D. doi:10.1111/j.1365-2966.2010.16965.x. ISSN 0035-8711. S2CID 118460729.
  9. ↑ 9,0 9,1 9,2 Samus, N. N.; Durlevich, O. V.; et al. (2009). "VizieR Online Data Catalog: General Catalogue of Variable Stars (Samus+ 2007-2013)". VizieR On-line Data Catalog: B/GCVS. Originally Published in: 2009yCat....102025S. 1. Bibcode:2009yCat....102025S.
  10. ↑ "RW Cephei", SIMBAD (Centre de Données astronomiques de Strasbourg), https://simbad.cds.unistra.fr/simbad/sim-id?Ident=RW+Cephei, besoek op 2023-05-07 
  11. ↑ Delgado, A. J.; Djupvik, A. A.; Costado, M. T.; Alfaro, E. J. (2013). "Berkeley 94 and Berkeley 96: Two young clusters with different dynamical evolution". Monthly Notices of the Royal Astronomical Society. 435 (1): 429. arXiv:1307.4290. Bibcode:2013MNRAS.435..429D. doi:10.1093/mnras/stt1311. S2CID 118642318.
  12. ↑ 12,0 12,1 12,2 Vollmann, Wolfgang; Sigismondi, Costantino (Desember 2022). "RW Cephei great dimming". The Astronomer's Telegram. 15800: 1. Bibcode:2022ATel15800....1V.
  13. ↑ Castro-Carrizo, A.; Quintana-Lacaci, G.; Bujarrabal, V.; Neri, R.; Alcolea, J. (2007). "Arcsecond-resolution 12CO mapping of the yellow hypergiants IRC +10420 and AFGL 2343". Astronomy and Astrophysics. 465 (2): 457–467. arXiv:astro-ph/0702400. Bibcode:2007A&A...465..457C. doi:10.1051/0004-6361:20066169. S2CID 53127885.
  14. ↑ Leadbeater, Robin (Maart 2023). "The 2022 dimming of RW Cep – A first look" (PDF). British Astronomical Association (in Engels). Besoek op 25 Mei 2023.
  15. ↑ "Hipparcos Tools Interactive Data Access". Hipparcos. ESA. Besoek op 8 Desember 2021.
  16. ↑ Pickering, Edward C. (Augustus 1907). "71 new variable stars in Harvard Maps Nos. 9, 12, 21, 48 and 51". Astronomische Nachrichten. 175 (20): 333–338. Bibcode:1907AN....175..333P. doi:10.1002/asna.19071752006. ISSN 0004-6337.
  17. ↑ 17,0 17,1 17,2 Payne-Gaposchkin, Cecilia (1952). "Variable stars in Milton field 9". Annals of Harvard College Observatory. 118: 147. Bibcode:1952AnHar.118..147P.
  18. ↑ Percy, John R.; Kolin, David L. (2000). "Studies of Yellow Semiregular(SRd) Variables". The Journal of the American Association of Variable Star Observers. 28 (1): 1. Bibcode:2000JAVSO..28....1P.
  19. ↑ 19,0 19,1 Mack, Eric. "One Of The Biggest Stars In The Milky Way Is Acting A Little Unstable". Forbes (in Engels). Besoek op 15 Desember 2022.
  20. ↑ "Catch the Geminid Meteor Shower; Plus, Watch RW Cephei Fade". Sky & Telescope (in Engels (VSA)). 12 Desember 2022. Besoek op 15 Desember 2022.
  21. ↑ Semakin, N. K. (1954). "Photographic Observations of RW Cephei". Peremennye Zvezdy. 10: 191. Bibcode:1954PZ.....10..191S.
  22. ↑ Gahm, G. F.; Hultqvist, L. (1972). "Spectral properties of luminous late-type stars". Astronomy and Astrophysics. 16: 329. Bibcode:1972A&A....16..329G. ISSN 0004-6361.
  23. ↑ 23,0 23,1 Rayner, John T.; Cushing, Michael C.; Vacca, William D. (Desember 2009). "The Infrared Telescope Facility (IRTF) Spectral Library: Cool Stars". The Astrophysical Journal Supplement Series. 185 (2): 289–432. arXiv:0909.0818. Bibcode:2009ApJS..185..289R. doi:10.1088/0067-0049/185/2/289. ISSN 0067-0049. S2CID 118500715.
  24. ↑ Simpson, Janet P. (Februarie 1991). "IRAS Low-Resolution Spectral Observations of the 10 and 18 Micron Silicate Emission Features". The Astrophysical Journal. 368: 570. Bibcode:1991ApJ...368..570S. doi:10.1086/169721. ISSN 0004-637X.

Skakels[wysig | wysig bron]

Ontsluit van "https://af.wikipedia.org/w/index.php?title=RW_Cephei&oldid=2585122"