Refentse Morake

in Wikipedia, die vrye ensiklopedie
Spring na: navigasie, soek
Refentse Morake
Oorsprong Suid-Afrika
Geboorte 1 Augustus 1997 (1997-08-01) (20 jaar oud) [1]
Vereeniging
Beroep(e) Sanger
Aktiewe jare 2015 - hede
Portal.svg Musiekportaal

Refentse Morake is 'n Afrikaanse sanger wat in Vereeniging grootgeword het. Hy was 17 toe hy op die sypaadjie van sy ouerhuis in Unitaspark, 'n voorstad van Vereeniging, opgemerk is terwyl hy kitaar gespeel en gesing het. 'n Bejaarde dame - Cecilia Marchionna, of Tannie Kleintjie, soos sy meer bekend is, het hom gehoor. Sy het hom genader en gevra of sy 'n video van hom mag opneem en die video op haar Facebook mag sit. Hy het ingestem en gedink die "ou tannie" het waarskynlik net 'n paar Facebook-vriende, maar dit was 'n groot onderskatting.[2]

Die Facebookvideo het met 30 000 beskouings op die eerste dag die hoogte ingeskiet, tot 160 000 vier dae later, en aanhou groei. In April 2015 het hy in Baron van Reedestraat in Oudtshoorn in die straat opgetree, toe sy gunsteling sanger, Karen Zoid, verbygekom en vir hom R10 ter waardering vir sy poging gegee het. Daardie aand het organiseerders by die KKNK vir Morake agter die skerms van die fees se openingskonsert geneem, waar hy verskeie musieksterre, insluitend Karen Zoid ontmoet het, en 'n musiekkontrak aangebied is.[2]

Refentse stel sy debuutalbum My Hart Bly in 'n Taal in 2016 vry, en sy tweede album Deur My Venster word in 2017 vrygestel.

Diskografie[wysig | wysig bron]

  • 2016: My hart bly in 'n taal[3]
  • 2017: Deur my venster[4]

Eerbewyse[wysig | wysig bron]

  • In 2017 word Refentse vereer met vier Ghoema-trofees vir sy album My hart bly 'n taal. Hy stap weg met die pryse vir Album van die jaar, Manlike kunstenaar van die jaar, Digitale album van die jaar en 'n Ere-toekenning vir beste verkoper.[5]

Verwysings[wysig | wysig bron]

  1. "Refentse Morake se Facebookblad". Verkry op 25 April 2017. 
  2. 2,0 2,1 "HeraldLIVE: Busker, 17, ends up on stage with Zoid". Verkry op 14 Mei 2016. 
  3. "Maroelamedia.co.za: My Hart Bly in 'n Taal – Refentse". Verkry op 15 Mei 2016. 
  4. "Last FM: Refentse, Deur My Venster". Verkry op 17 Junie 2017. 
  5. "Ghoema 2017 Kategorie-wenners". Ghoema Webblad. Verkry op 25 April 2017. 

Musiekvideo's[wysig | wysig bron]