Robeiland

in Wikipedia, die vrye ensiklopedie
Jump to navigation Jump to search
’n Groot groep Kaapse pelsrobbe kan op dié foto van Robeiland gesien word.

Robeiland is ’n klein eiland 5,7 km van die noordelike kuslyn van Valsbaai, naby Kaapstad, Suid-Afrika. Dit word so genoem vanweë die sowat 64 000 Kaapse pelsrobbe wat dit bewoon.[1]

Die eiland huisves ook seevoëls. Dit is nêrens hoër as vier tot ses meter bo die hoogwatervlak nie. Dit is lank en smal: 800 x 50 meter. Daar is geen strand en geen noemenswaardige plantegroei nie. ’n Radarmas is tydens die Tweede Wêreldoorlog daar gebou, maar dit het intussen verroes en is in 1970 in ’n storm omgewaai. Stukke metaal, asook die oorblyfsels van ’n paar hutte en ander geboue uit die dae van robbejag en die versameling van ghwano (die eerste helfte van die 20ste eeu) is nog te bespeur.

Grootwithaaie[wysig | wysig bron]

Die digte bevolking robbe sommige tye van die jaar lok hul grootste vyand, die grootwithaai. Robeiland bied mense die geleentheid om te aanskou hoe grootwithaaie jag maak op die Kaapse pelsrobbe[2] en om wisselwerkings tussen lede van albei spesies te sien.

Die sirkel wat die haaie om die eiland vorm op soek na hul prooi word die "sirkel van die dood" genoem.

Verwysings[wysig | wysig bron]

Eksterne skakels[wysig | wysig bron]

Koördinate: 34°8′10″S 18°34′58″O / 34.13611°S 18.58278°O / -34.13611; 18.58278