Ronald Venetiaan
| Ronald Venetiaan | |
 Ronald Venetiaan in 2005 | |
6de President van Suriname | |
| Ampstermyn 12 Augustus 2000 – 12 Augustus 2010 | |
| Vise | Jules Ajodhia Ram Sardjoe |
|---|---|
| Voorafgegaan deur | Jules Wijdenbosch |
| Opgevolg deur | Desi Bouterse |
| Ampstermyn 16 September 1991 – 15 September 1996 | |
| Vise | Jules Ajodhia |
| Voorafgegaan deur | Johan Kraag |
| Opgevolg deur | Jules Wijdenbosch |
Persoonlike besonderhede | |
| Gebore | 18 Junie 1936 Paramaribo, Suriname |
| Sterf | 5 November 2025 (op 89) Paramaribo, Suriname |
| Politieke party | Nationale Democratische Partij |
| Eggenoot/-note | Liesbeth Vanenburg |
| Religie | Rooms-Katolieke Kerk |
Ronald Runaldo Venetiaan (18 Junie 1936 – 5 November 2025) was 'n wiskundige wat as die 6de President van Suriname gedien het.[1][2] Sy eerste termyn as President was van 1991 tot 1996, toe hy teen Jules Wijdenbosch in die algemene verkiesing verloor het. In 2000 het hy weer die Surinaamse Presidentsverkiesing as leier van die Nuwe Front Party gewen. In 2005 is hy tot 'n derde termyn herkies.
Hy het Suriname in 1955 verlaat en na Nederland verhuis om wiskunde en fisika aan die Universiteit van Leiden te studeer, waar hy in 1964 gegradueer het en die graad van doctorandus behaal het.[3] Kort daarna het Venetiaan na Suriname teruggekeer en ’n onderwyser in wiskunde en fisika geword.[4]
In 1973 het Venetiaan as Minister van Onderwys gedien vir die Nasionale Party van Suriname (NPS) in die regering van Henck Arron, totdat Arron in 1980 omvergewerp is deur die Surinaamse staatsgreep onder leiding van Dési Bouterse.[5][6] Daarna het hy besluit om as professor aan die Anton de Kom-universiteit te werk.[3] In 1987 het hy na die politiek teruggekeer as die Voorsitter van die NPS, en weer as Minister van Onderwys gedien.
Buite sy akademiese en politieke loopbaan was Venetiaan ook aktief as 'n skrywer. Sy eerste digbundel is onder die skuilnaam Vene geskryf in die werk Mamio (1962), en hy het die skuilnaam Krumanty in ander geskrifte gebruik.[7] Alhoewel die meeste van sy werke nooit gepubliseer is nie, is hulle in teaterstukke opgevoer, en hy het saamgewerk aan president Chan Santokhi se boek We gaan Suriname redden (Ons gaan Suriname red) uit 2020.[8][9]
Venetiaan was getroud met Liesbeth Vanenburg en het drie dogters en ’n seun gehad. Hy is op 5 November 2025 in Paramaribo oorlede, op 89-jarige ouderdom.[10][11] President Jennifer Geerlings-Simons het sy dood betreur en gesê dat Venetiaan “’n staatsman en ’n groot seun van die nasie” was, en sy toewyding aan demokrasie geloof. Die voormalige president Santokhi het ook sy meegevoel uitgespreek en bygevoeg dat Venetiaan “’n staatsman” was wie se dood “’n groot leemte laat”.[6]
Verwysings
[wysig | wysig bron]- ↑ "Curriculum Vitae Runaldo R. Venetiaan". Cabinet of the President of the Republic of Suriname (in Nederlands). Geargiveer vanaf die oorspronklike op 2 November 2006. Besoek op 2 November 2006.
- ↑ Roger East; Richard J. Thomas (3 Junie 2014). Profiles of People in Power: The World's Government Leaders. Taylor & Francis. p. 513. ISBN 978-1-317-63939-8.
- 1 2 "Ronald Venetiaan: 'Ik treed terug om politieke redenen'". Dagblad Suriname (in Nederlands). 16 Oktober 2013. Besoek op 20 Junie 2020.
- ↑ "NPS: Nationale Partij Suriname". Nederlandse Omroep Stichting (in Nederlands). Besoek op 20 Junie 2020.
- ↑ "Ex-president Venetiaan viert 80e verjaardag". Parbode (in Nederlands). Geargiveer vanaf die oorspronklike op 22 Junie 2020. Besoek op 20 Junie 2020.
- 1 2 Clark, Joanne (6 November 2025). "Former Suriname President Ronald Venetiaan dies at 89". Caribbean National Weekly. Besoek op 6 November 2025.
- ↑ Michiel van Kempen (2002). "Een geschiedenis van de Surinaamse literatuur. Deel 4". dbnl.org (in Nederlands). Besoek op 20 Junie 2020.
- ↑ Shrinivási (1970). "Wortoe d'e tan abra". dbnl.org (in Nederlands). Besoek op 20 Junie 2020.
- ↑ "Het Boek CHAN". chanhetboek.org (in Nederlands). Geargiveer vanaf die oorspronklike op 23 Junie 2020. Besoek op 20 Junie 2020.
- ↑ "Surinaamse oud-president Ronald Venetiaan op 89-jarige leeftijd overleden". nu.nl (in Nederlands). 5 November 2025. Besoek op 6 November 2025.
- ↑ "Three-time Former Suriname Leader Venetiaan Dead At 89: Family". Barron's. AFP. 5 November 2025. Besoek op 6 November 2025.
