Rosalynn Carter

in Wikipedia, die vrye ensiklopedie
Jump to navigation Jump to search
Rosalynn Carter
Rosalynn Carter
Amptelike portretfoto van 1977

Eerste Dame van die Verenigde State
Ampstermyn
20 Januarie 1977 – 20 Januarie 1981
President Jimmy Carter
Voorafgegaan deur Betty Ford
Opgevolg deur Nancy Reagan

Eerste Dame van Georgia
Ampstermyn
12 Januarie 1971 – 14 Januarie 1975
Voorafgegaan deur Hattie Cox
Opgevolg deur Mary Busbee

Persoonlike besonderhede
Gebore (1927-08-18)18 Augustus 1927
Plains, Georgia
Politieke party Demokraat
Eggenoot/eggenote Jimmy Carter (∞ 1946)
Kind(ers) John William "Jack" (1947)
James Earl III "Chip" (1950)
Jeffrey Donnel (1952)
Amy Lynn (1967)
Alma mater Georgia Southwestern State University
Handtekening Rosalynn Carter Signature.svg

Rosalynn Eleanor Smith Carter (18 Augustus 1927 in Plains, Georgia) was tussen 1977 en 1981 die Verenigde State se Eerste Dame as eggenote van die 39ste president, Jimmy Carter. Sedert 1962, die jaar waarin Jimmy Carter as senator vir Georgia verkies is, is Rosalynn Carter aktief by politiek betrokke. As Eerste Dame van Georgia het sy na die belange van geestelik gestremde burgers omgesien. Sy het vyf jaar lank die amp van voorsitter van die Special Olympics for Retarded Children vir gestremde kinders beklee en was ere-medewerker van Atlanta se hospitaal.[1]

Jimmy en Rosalynn Carter op 13 Januarie 2016 in The Carter Center, Atlanta. Die instelling bevorder sedert sy stigting in 1982 onder meer menseregte en vrede. Vir sy werk is Jimmy Carter in 2002 met die Nobelprys vir Vrede vereer

Rosalynn Carter word deur biograwe as terughoudend van karakter beskryf, maar ook as intelligente en suksesvolle sakevrou wat die Carter-gesin se fortuin aktief help opbou het. Ook het sy haarself as briljante politieke aktivis bekwaam en kon sodoende 'n belangrike bydrae lewer tot haar man se goewerneursveldtog in 1970 en die presidensiële verkiesingsveldtog van 1976. Gedurende die presidentskap van haar man was Rosalynn Carter sy naaste adviseur en het aan kabinetsvergaderings deelgeneem. Verskeie kere het sy as verteenwoordiger van die Verenigde State in die buiteland opgetree, onder meer in Latyns-Amerika.

Rosalynn Carter het elke avontuur, sukses en neerlaag met haar man gedeel. Sy poging om vir 'n tweede ampstermyn herverkies te word het misluk, maar die Carters het gou 'n nuwe welkome uitdaging vir hulself gevind met die stigting van die Carter Center, 'n nie-winsgewende instelling wat menseregte en vrede bevorder.

Rosalynn Carter se outobiografie First Lady from Plains is in 1984 gepubliseer. Sedert 2019 is Rosalynn en Jimmy Carter die langste getroude presidensiële egpaar.[2]

Verwysings[wysig | wysig bron]

  1. E. Stanly Godbold, Jr.: Jimmy & Rosalynn Carter. The Georgia Years, 1924–1974. New York NY: Oxford University Press 2010, bl. 216
  2. CNN Politics, 18 Oktober 2019: Jimmy and Rosalynn Carter just became the longest-married presidential couple. Besoek op 15 Junie 2020

Eksterne skakels[wysig | wysig bron]

The Carter Center

Rosalynn Carter Center for Caregiving