Atlanta

in Wikipedia, die vrye ensiklopedie

Atlanta

Kaart Wapen
Vlag
 Land Verenigde State
 Deelstaat Georgia
 Administratiewe distrik (county) Fulton en DeKalb
 Koördinate 33°45′N 84°23′W / 33.750°N 84.383°W / 33.750; -84.383Koördinate: 33°45′N 84°23′W / 33.750°N 84.383°W / 33.750; -84.383
 Oppervlak:  
 - Totaal 343 vk km
 Hoogte bo seevlak 225-320 m
 Bevolking:  
 - Totaal (1 Julie 2019) 506 811
 - Bevolkingsdigtheid 1 477,6/vk km
 - Metropolitaanse gebied 6 020 864
 Tydsone EST (UTC -5)
 - Somertyd EDT (UTC -4)
 Klimaat  
 - Tipe Subtropiese klimaat
 - Gemiddelde jaarlikse temperatuur 15,7 °C
 - Gem. temp. Januarie/Julie 5,9 / 21,8 °C
 - Gemiddelde jaarlikse neerslae 1261,9 mm
 Burgemeester Keisha Lance
Bottoms (D)
 Amptelike webwerf atlantaga.gov

Atlanta is die hoofstad en die grootste stad van die deelstaat Georgia in die suidooste van die Verenigde State van Amerika. Volgens die 2010 sensus, was die bevolking van Atlanta 420 003. In 2019 is dit op 506 811 beraam.[1] Atlanta is die ekonomiese spilpunt en naamgewer vir 'n metropolitaanse gebied wat rofweg die helfte van die deelstaatbevolking saamgetrek is. Oorspronklik gestig as 'n spoorwegterminus in 1847, het hierdie buitepos in Georgia gegroei tot 'n belangrike ekonomiese spilpunt en sakemetropool in die Suide.

Gedurende die Amerikaanse Burgeroorlog was Atlanta weens sy strategiese belangrikheid vir die Gekonfedereerde State se ekonomie - die stad het as spoorwegsentrum 'n verskeidenheid logistieke funksies vervul - 'n militêre teiken vir Uniemagte. Die Slag van Atlanta, wat op 22 Julie 1864 suidoos van die stad plaasgevind het, was een van die belangrikstes gedurende die Burgeroorlog. Al het die Gekonfedereerde magte 'n neerlaag gely, het Atlanta eers ná 'n beleg deur Uniemagte op 2 September 1864 geval. Gekonfedereede magte het dele van die infrastruktuur voor die stad se inname aan die brand gesteek sodat hulle nie in die vyand se hande kon val nie.

A city too busy to hate.
'n Uitstalling in die Center for Civil and Human Rights tematiseer burger- en menseregte
'n Toergroep in die Dr. Martin Luther King Jr. Center
Steenbrug in Piedmont Park
Die Atlanta Shakespeare Company (ASC) se New American Shakespeare Tavern
High Arts Museum in Midtown Atlanta - die eerste museum in die VSA wat 'n voltydse kurator vir volkskuns (folk art) aangestel het
World of Coca Cola Museum
Hersikleringopsie
Robert C. Williams-Papiermuseum
Georgia Aquarium, die grootste akwarium in die VSA. Sy oprigting is moontlik gemaak danksy 'n skenking ter waarde van $250 miljoen deur Bernie Marcus, medestigter van die meubel- en interieurwinkelgroep Home Depot wat sy setel in Atlanta het. Die akwarium is in 2005 geopen
Walvishaai-mannetjie in die Georgia Aquarium

Stadsvernuwing staan reeds sedert die Reconstruction-tydperk, die historiese fase van heropbou en politieke heroriëntering wat op die Amerikaanse Burgeroorlog gevolg het, hoog op die stad se agenda. Atlanta se geluksbringer, die feniks, herinner aan die feit dat militêre infrastruktuur en openbare geboue aan die einde van die Burgeroorlog deur Gekonfedereerde sowel as Uniemagte onder generaal Sherman neergebrand is, maar soos 'n feniks uit die as verrys het om tot een van Amerika se vernaamste metropole te groei. As Capital of the New South het Atlanta tot 'n dinamiese metropool ontwikkel waar die hoofkantore van baie multinasionale ondernemings gesetel is. Sy gematigde klimaat maak van Atlanta dwarsdeur die jaar 'n gewilde toeristebestemming.

In die 20ste eeu het Atlanta 'n sentrale rol in die Amerikaanse burgerrregtebeweging en swart Amerikaners se strewe na gelyke ekononiemse geleenthede gespeel. So dra die stad die trotse bynaam "Kroonjuweel in die geskiedenis van swart Amerika" - 'n verwysing na die groot konsentrasie van histories swart tersiêre onderwysinstellings soos kolleges en Atlanta se swart entrepreneurs wie se erfenis in die Sweet Auburn Historic District bewaar word. In hierdie buurt met ses straatblokke het die eerste kantoorgebou in swart besit ontstaan en is die eerste dagblad met swart uitgewers en redakteurs gestig. In Auburn se Royal Peacock Club het befaamde swart kunstenaars soos Ray Charles, James Brown en Aretha Franklin opgetree. Atlanta se swart kulturele en sake-erfenis is een van die aandrywers van toerisme.

Atlanta was die gasheerstad vir die Olimpiese Somerspele 1996 - 'n internasionale gebeurtenis wat met nuwe grootskaalse bouprojekte verbonde was. Min herinner aan Atlanta as deel van die historiese Suide en die stad waar Margaret Mitchell se roman Gone with the Wind afspeel. Geskryf is dit in Crescent Apartments, 'n woonstelgebou waarin Mitchell tussen 1925 en 1932 saam met haar eggenoot John Marsh 'n baie klein eenkamerwoonstel bewoon het (waarna sy as the dump verwys het) kon danksy 'n skenking van die Duitse motorvervaardiger Daimler-Benz in 1996 tot 'n museum omgeskep word.

Die ultramoderne middestad, wat maklik te voet verken kan word, huisves naas kantore van ondernemings, hotelle, restaurante en ander geriewe baie van Atlanta se hoofbesienswaardighede soos CNN Center, setel van een van die wêreld se grootste nuus- en mediaondernemings, die Georga Aquarium en die World of Coca Cola Museum. Die kommersialisering van die middestad beteken egter ook dat dit laat saans 'n kwartier sonder mense word terwyl inheemses en besoekers na ander kwartiere met 'n lewendige naglewe stroom, soos Edgewood Avenue en Cabbagetown. Grootskaalse herontwikkeling van stoorhuise en ander sakegeboue vir die kleinhandel- en restaurantbedryf vind tans in West Midtown plaas. Midtown word as die kulturele hart van Atlanta en die middelpunt van die studentelewe beskou - hier is ook groen ruimtes soos Piedmont Park en die reusewinkelkompleks Atlantic Station geleë.

Vervoer[wysig | wysig bron]

Lugvervoer[wysig | wysig bron]

Die stad van Atlanta bedryf die Hartsfield-Jackson Atlanta Internasionale Lughawe, die eerste ter wêreld wat jaarliks meer as 100 miljoen passasiers gehanteer het - die eenmiljoenkerf is in Desember 2015 verbygesteek, terwyl in 2019 110 miljoen passasiers gehanteer is. Die lughawe, wat net suid van die stadsrand geleë is, dien as spilpunt vir Delta Airlines wat - terwyl dit tot 'n eersterangse lugredery gegroei het - ook bygedra het tot die uitbreiding van Atlanta se lughawe.

Verwysings[wysig | wysig bron]

Eksterne skakels[wysig | wysig bron]

Toerisme

Kultuur en leefstyl


Vlag van die Verenigde State Hoofstede van die Verenigde State Seël van die Verenigde State
HoofstedeAlbanyAnnapolisAtlantaAugustaAustinBaton RougeBismarckBoiseBostonCarson CityCharlestonCheyenneColumbiaColumbusConcordDenverDes MoinesDoverFrankfortHarrisburgHartfordHelenaHonoluluIndianapolisJacksonJefferson CityJuneauLansingLincolnLittle RockMadisonMontgomeryMontpelierNashvilleOklahoma CityOlympiaPhoenixPierreProvidenceRaleighRichmondSacramentoSaint PaulSalemSalt Lake CitySanta FeSpringfieldTallahasseeTopekaTrenton