Ruacana

in Wikipedia, die vrye ensiklopedie
Jump to navigation Jump to search
Ruacana
Ligging van Ruacana op 'n kaart (Namibië)
Ruacana
Ruacana
Koördinate: 17°25′20″S 14°18′17″O / 17.42222°S 14.30472°O / -17.42222; 14.30472Koördinate: 17°25′20″S 14°18′17″O / 17.42222°S 14.30472°O / -17.42222; 14.30472
Land Vlag van Namibië Namibië
Streek Omoesati
Bevolking (2011)[1]
 - Dorp 2 985
Tydsone SAST (UTC+2)

Ruacana is 'n dorp in die Omoesatistreek die noorde van Namibië. Dit is geleë op die grens met Angola op die Kunenerivier. Die dorp is bekend vir die Ruacana-valle en vir die Ruacana-kragstasie.

Ruacana is ontwikkel rondom 'n groot ondergrondse hidroëlektriese aanleg gekoppel aan die nabygeleë dam oorkant die grens in Angola by Calueque. Die dam en die pompstasie is tydens die Angolese Burgeroorlog in 1988 in 'n Kubaanse lugaanval gebombardeer. Die fasiliteit is gedeeltelik herstel en vandag bedryf NamPower drie turbines wat 'n maksimum van 240 megawatt opwek.[2]

Die OvaZemba en Ovahimba stamme is inheems aan die gebied. Die naam Ruacana is afkomstig van Ruhakana, een van die eerste settlaars in die gebied. [3]

Ruacana se nedersettingstatus is in 2005 opgegradeer na dié van 'n klein dorpie en in 2010 na dié van 'n dorp.[4] Dit word beheer deur 'n dorpsraad met sewe setels.[5] In die 2015 plaaslike owerheidverkiesing het SWAPO ses setels gewen (826 stemme).

Ruacana het 'n jaarlikse gemiddelde reënval van 426 millimeter (16,8 dm). In die 2010/2011 reënseisoen het dit 960 millimeter (38 dm) reën ontvang.[6]

Die plaas Etunda is geleë naby aan Ruacana. Die helfte van die plaas is kommersiële besproeiing grond, die ander helfte is toegeken aan 82 klein-skaal boere. Etunda kweek mielies, koring, waatlemoene, piesangs en ander produkte.[7]

Verwysings[wysig | wysig bron]

  1. "Table 4.2.2 Urban population by Census years (2001 and 2011)" (PDF). Namibia 2011 - Population and Housing Census Main Report. Namibia Statistics Agency. p. 39. Besoek op 24 Augustus 2016. 
  2. Smit, Nico (16 Maart 2011). "Ruacana power plant running at full throttle". The Namibian. 
  3. Alexactus T Kaure (25 November 2011): "To Recognise or Not: Ovazemba Quest For A Chief", The Namibian, page 1
  4. Shaanika, Helvy (7 September 2011). "Ruacana unveils new road, hall". New Era (Namibië). via allafrica.com. 
  5. "Know Your Local Authority". Election Watch (3). Institute for Public Policy Research. 2015. p. 4. 
  6. Menges, Werner (26 Mei 2011). "Rainy season was one for the record books". The Namibian. Geargiveer vanaf die oorspronklike op 15 Desember 2011. 
  7. Etunda Irrigation Scheme. Ministry of Agriculture, Water and Forestry, Government of Namibia. URL besoek op 18 Februarie 2012.