Rufane Donkin

in Wikipedia, die vrye ensiklopedie
Jump to navigation Jump to search
Rufane Donkin
Rufane Donkin

Waarnemende Goewerneur van die Kaapkolonie
Ampstermyn
1820 – 1821
Monarg George IV
Voorafgegaan deur Charles Somerset
Opgevolg deur Richard Bourke

Persoonlike besonderhede
Gebore Rufane Shaw Donkin
1772
Sterf 1 Mei 1841
Die Donkin-gedenkteken en die Donkin Hill-vuurtoring in die Donkin-reservaat in Port Elizabeth
Donkin se naam op die suidekant van die Burdett Coutts-gedenkteken

Sir Rufane Shaw Donkin was waarnemende goewerneur van die Kaapkolonie en die grondlegger van Port Elizabeth.

Hy is gebore in 1772 en sluit by die weermag aan toe hy 16 jaar oud was. Hy dien in die Wes-Indiese Eilande en vorder tot die rang van majoor-generaal tydens die Skiereilandoorlog. In 1817 en 1818 is hy in Indië tydens die Mahratta-oorlog. Hy besoek die Kaap in 1820 op pad terug na Engeland en neem as goewerneur waar in die tydelike afwesigheid van lord Charles Somerset. Hy verlaat Kaapstad in April daardie jaar op 'n besoek aan die Oosgrens. 'n Nuwe dorpie aan Algoabaai is Port Elizabeth genoem ter ere van sy vrou, wat in Indië oorlede is en wie se gebalsemde hart hy met hom saamgedra het tot dit na sy dood saam met hom begrawe is. In Port Elizabeth het hy 'n piramide laat oprig wat vandag nog in die Donkin-reservaat staan. Die hoofstraat van Beaufort-Wes, Donkinstraat, is ook na hom vernoem. In Junie 1821 besoek hy weer die Oosgrens en lê Fredericksburg in die Neutrale Gebied aan.

Tydens sy kort bewind het hy 'n aantal militêre reëlings beëindig en met sy terugkeer na Engeland ernstige aanklagte teen Somerset aanhangig gemaak, wat hom in November 1821 opgevolg het. Donkin het enkele jare lank in die Britse Laerhuis gedien, is aangestel as genoot van die Royal Society en "Surveyor-General of Ordnance". Donkin is op 1 Mei 1841 oorlede.

Sien ook[wysig | wysig bron]

Bronne[wysig | wysig bron]

  • Rosenthal, Eric, 1978. Encyclopaedia of Southern Africa. Cape Town, Wetton and Johannesburg: Juta and Company Limited.
  • Albertyn, C.F. dr. (hoofred.), 1972. Die Afrikaanse Kinderensiklopedie. Kaapstad: Nasou.