Samies

Samies
Gepraat in:	Noorweë  Swede  Finland  Rusland
Gebied:	Lapland of Sápmi
Totale sprekers:	c. 20 000 - 30 000
Taalfamilie:	Oeraals  Fins-Oegries   Fins-Permies    Fins-Wolgaïes     Fins-Samies      Samies
Skrifstelsel:	Latynse alfabet (Finse variant)
Amptelike status
Amptelike taal in:	Amptelike taal in dele van:  Noorweë Erkende minderheidstaal in sommige munisipaliteite in:  Swede en  Finland
Gereguleer deur:	–
Taalkodes
ISO 639-1:	se
ISO 639-2:	sma, sme, smi, smj, smn, sms
ISO 639-3:	onderskeidelik: sia – Akkala sjd – Kildin sjk – Kemi sjt – Ter smn – Inari sms – Skolt sju – Ume sje – Pite sme – Noordelike smj – Lule sma – Suidelike

Samiese dialekte in Skandinawië en Noord-Rusland: 1 Suidelike Sami 2 Ume Sami 3 Pite Sami 4 Lule Sami 5 Noordelike Sami 6 Skolt Sami 7 Inari Sami 8 Kildin Sami 9 Ter Sami

Samies (soms ook Sami of Saami) is die naam wat algemeen gebruik word vir 'n groep Oeraalse tale wat deur die Sami in Lapland in die noordelike dele van Finland, Noorweë, Swede en Noordoos-Rusland gepraat word. Die Samiese tale vorm 'n tak binne die Finse groep van die Fins-Oegriese tale in die Oeraalse taalfamilie. Tradisioneel word Samies as verwant aan die Oosseefinse tale gesien met 'n gemene Proto-Fins-Samiese taal as oorsprong. Daar is egter ook vakkundiges wat meen dat getuienis vir 'n Fins-Samiese prototaal nie strek genoeg is nie en dat die ooreenkomste tussen die tale deur later kontak veroorsaak is.

Die Samie-tale word in twee hoofgroepe verdeel: die westelike en oostelike groepe. Die groepe kan verder onderverdeel words in verskeie subgroepe. Die Samie tale vorm gedeeltelik 'n dialekkontinuum waarvolgens aangrensende tale tot 'n groot mate onderling verstaanbaar is. Tale wat verder van mekaar geleë is, is egter oor die algemeen nie onderling verstaanbaar nie. Skerp taalgrense word egter aangetref tussen byvoorbeeld Noordelike Samie, Inari Samie en Skolt Samie.