Samuel Wallis

in Wikipedia, die vrye ensiklopedie
Jump to navigation Jump to search
Portret van Samuel Wallis deur Henry Stubble, omstreeks 1785.
Kaptein Wallis word deur Tahitiane aangeval.

Samuel Wallis (23 April 1728 in Cornwallis21 Januarie 1795 in Londen) was ’n Engelse seevaarder wat om die wêreld geseil het.

Wallis is naby Camelford, Cornwallis, gebore. In 1766 het hy met die HMS Dolphin vertrek om saam met die HMS Swallow om die wêreld te vaar. Die twee skepe het geskei geraak kort nadat hulle deur die Straat van Magellaan is. Wallis het na Tahiti geseil en dit die "Koning George die Derde-eiland" genoem. Hy het op 17 Junie 1767[1] in Matavaibaai geland terwyl dit deur ’n vroulike hoof, "Oberea" (Purea), regeer is. Die eerste kontak was moeilik, want op 24 en 26 Junie[2] het sommige Tahitiane probeer om die skip oor te neem, waarskynlik omdat hulle bang was die Engelse gaan permanent bly of omdat hulle die metaalvoorwerpe aan die skip wou hê. Die matrose het op die kano's en die skares op die heuwels geskiet. Die bewoners van die baai se reaksie op dié kragtige aanval was om vir die Engelse offerandes aan te bied om te wys hulle soek vrede. Hierna het Wallis betrekkinge met Purea aangeknoop en 40 dae lank op die eiland gebly, tot 27 Julie.

Van Tahiti is Wallis na Batavia, waar baie van sy bemanning dood is aan disenterie, en toe via die Kaap die Goeie Hoop na Engeland, waar hy in Mei 1768 aangekom het. Hy kon nuttige inligting aan James Cook verskaf; dié sou kort daarna na die Stille Oseaan vertrek. Van die Dolphin se bemanning het ook saam met Cook geseil.

Die Polinesiese eiland Wallis is na Samuel Wallis genoem.

Verwysings[wysig | wysig bron]

  1. Nadeije Laneyrie-Dagen (1996). Les grands explorateurs, sous la direction de Nadeije Laneyrie-Dagen. Larousse. p. 148. ISBN 2-03-505305-6.
  2. Bernard Salvat; Eric Conte; François Merceron; Michel-Claude Touchard (2006). Tahiti et les îles de la Société: Polynésie. Gallimard Loisirs. ISBN 978-2-7424-1917-3.

Eksterne skakels[wysig | wysig bron]