Seekoeivlei-natuurreservaat

in Wikipedia, die vrye ensiklopedie
Jump to navigation Jump to search

Die Seekoeivlei-natuurreservaat in die Vrystaat is ‘n belangrike bron van water vir huishoudelike sowel as nywerheidsgebruik in Gauteng.

Ligging[wysig | wysig bron]

Hierdie vleiland lê noord van Memel, naby die Drakensberg-platorand en naby die punt waar die Vrystaat, Mpumalanga en kwaZulu-Natal ontmoet. Dit is nagenoeg by die koördinate 27° 35′ suid en 29° 35′ oos en dit is ‘n 2000m bo seepsieël.

Vleiland[wysig | wysig bron]

Net noord van Memel loop die Pampoenspruit in die Kliprivier, ‘n sytak van die Vaalrivier, in ‘n moeras van 25km met baie vleie, poele, vloedvlaktes, mere en graslande wat in die reënseisoen dikwels oorstroom. Dit vorm een van die grootste vleilande op die Hoëveld. Die reservaat van 4 754ha is in 1997 tot Ramsar-vleiland verklaar en word veral deur mense besoek met ‘n besondere belangstelling in die voëllewe. Vir hulle is uitkykskuilings en ‘n piekniekplek beskikbaar. Op die graslande op die oewers wei gereeld vee.

Flora en fauna[wysig | wysig bron]

Die vleigebied is die tuiste van ‘n wye verskeidenheid voëlspesies waaronder skaars en bedreigde soorte. Veral die volgende voëls het dit hul tuiste gemaak: kleinrietreier, nimmersat, witvlerkvleikuiken, bloukraanvoël, reier, ooievaar, ibis, vee-reier, wewers, Afrikaanse kwartel, witbaardsterretjie, lelkraanvoël, bleekkopgrassanger, Drakensberglewerik en die Vaalrivierlewerik. Seekoeie en sebras is in die reservaat hervestig. Waarskynlik weens die koue op hierdie hoogte bo seevlak kom daar byna geen slange voor nie.

Lees ook[wysig | wysig bron]