Sentinelese

in Wikipedia, die vrye ensiklopedie
Jump to navigation Jump to search
Sentinelese

Totale bevolking: 15[1]-500[2]
Belangrike bevolkings  in: Noord-Sentineleiland, Indië
Taal: Sentinelees
Geloofsoortuiging: Onbekend
Verwante etniese groepe: Miskien Jarawa of Onge

Die Sentinelese (ook genoem die Sentineli of Noord-Sentineleilanders) is die inheemse volk van Noord-Sentineleiland in die Andaman-eilande van Indië. Hulle beveg enige kontak met die buitewêreld en is ’n geïsoleerde volk, hoewel daar al beperkte kontak met hulle was.[3]

Die bevolking word geraam op 15 tot 500. In 2001 het amptenare van die Sensus van Indië[4] 21 mans en 18 vroue aangeteken. Dié opname is van ’n afstand gedoen en is dalk nie ’n akkurate weergawe van die eiland van 59,67 km2 se bevolking nie.[5] In die 2011-sensus is 12 mans en drie vroue getel.[1] Die gevolge van die aardbewing en daaropvolgende tsoenami in 2004 in die Indiese Oseaan is onbekend, behalwe bevestiging dat hulle die onmiddellike gevolge oorleef het.[6]

Die Oostenrykse skrywer Heinrich Harrer het een man beskryf as sowat 1,6 m lank en oënskynlik linkshandig.[7]

Kultuur[wysig | wysig bron]

Die Sentinelese is ’n jagter-versamelaarvolk wat leef van jag, hengel en die bymekaarmaak van wilde plante. Daar is geen getuienis van landbou of die maak van vuur nie.[8] Hul taal, wat Sentinelees genoem word, is ongeklassifiseer en kan nie deur hul Jarawasprekende naaste bure verstaan word nie.[4]

Dit lyk of gevorderde metaalwerk onbekend is. Daar is egter al gesien dat hulle gebruik maak van metaalvoorwerpe wat op hul eiland uitgespoel of daar gelaat is.[9] Hulle kan yster skerpmaak en dit in hul wapens en ander voorwerpe gebruik.

Verwysings[wysig | wysig bron]

  1. 1,0 1,1 "District Census Handbook: Andaman & Nicobar Islands". Sensus van Indië: 156. 2011. http://censusindia.gov.in/2011census/dchb/3500_PART_B_DCHB_ANDAMAN%20&%20NICOBAR%20ISLANDS.pdf#page=177. Besoek op 1 Augustus 2015. 
  2. "Earth from Space: North Sentinel Island". Europese Ruimteagentskap. 29 April 2005. Besoek op 1 Augustus 2015.
  3. Nuwer, Rachel. "Anthropology: The sad truth about uncontacted tribes". BBC. Besoek op 8 Augustus 2018.
  4. 4,0 4,1 Enumeration of Primitive Tribes in A&N Islands: A Challenge (Report). http://censusindia.gov.in/Ad_Campaign/drop_in_articles/06-Enumeration_of_Primitive_Tribes_in_A&N_Islands.pdf#page=3. 
  5. http://ls1.and.nic.in/doef/WebPages/ForestStatistics2013.pdf
  6. "Did Island Tribes Use Ancient Lore to Evade Tsunami?". National Geographic Society. 24 Januarie 2005. Geargiveer vanaf die oorspronklike op 12 Augustus 2018. Besoek op 1 Desember 2014.
  7. (de) Harrer, Heinrich (1977). Die letzten Fünfhundert: Expedition zu d. Zwergvölkern auf d. Andamanen (in Duits). Berlyn: Ullstein. ISBN 3-550-06574-4. OCLC 4133917. Besoek op 26 Julie 2015.
  8. Burman, B. K. Roy, red. (1990). Cartography for development of outlying states and islands of India: short papers submitted at NATMO Seminar, Calcutta, 3-6 Desember 1990. National Atlas and Thematic Mapping Organisation, Ministry of Science and Technology, Government of India. p. 203. OCLC 26542161.
  9. Master Plan 1991–2021 for Welfare of Primitive Tribes of Andaman and Nicobar Islands, Sec. II Ch. 21. Dept. of Tribal Welfare, Andaman and Nicobar Islands Administration; as reproduced in Andaman Book

Eksterne skakels[wysig | wysig bron]