Sergey Brin

in Wikipedia, die vrye ensiklopedie
Spring na: navigasie, soek
Sergey Brin
’n Beeld van die betrokke persoonlikheid.
Brin in 2008.

Geboortenaam Sergei Michailowitsj Brin
Gebore 21 Augustus 1973 (1973-08-21) (44 jaar oud)
Moskou, USSR
Beroep Rekenaarwetenskaplike, internet-entrepreneur
Bekend vir Medestigter van Google
Sergey Brin google signature.svg

Sergey Brin (geb. Сергей Михайлович Брин, Sergei Michailowitsj Brin; Moskou, 21 Augustus 1973) is een van die stigters van Google. Met sowat 32,8 miljard dollar op sy naam (2014) is hy een van die 50 rykste mense ter wêreld.

Vroeë lewe[wysig | wysig bron]

Brin is in Moskou, toe in die Sowjetunie, gebore as die seun van Joodse ouers, Michael en Eugenia Brin, albei gegradueerdes van die Moskouse Staatsuniversiteit.[1]

In 1979, toe Brin ses jaar oud was, het sy ouers besluit om na Amerika te immigreer. In ’n onderhoud[2] het Sergey se pa verduidelik dat hy nie in die Sowjetunie ’n sterrekundige kon word nie omdat Jode destyds uit die professionele beroepe gehou is, en dit veral moeilik was om in universiteite se fisikadepartement toegelaat te word. Hy het dus wiskunde studeer.[3]

Nadat Michael in 1977 van ’n wiskundekonferensie in Warskou teruggekeer het, waar hy vrylik met kollegas oor die wêreld heen kon meng, het hy besluit om die Sowjetunie saam met sy gesin te verlaat. [3] Hulle het amptelik aansoek gedoen om te emigreer, en hy en sy vrou het albei dadelik hul werk verloor. Nadat hulle agt maande lank sonder werk was, is hul aansoek eindelik goedgekeur en kon hulle emigreer.[3]

In Amerika het Sergey Brin ná skool rekenaarwetenskap en wiskunde aan die Universiteit van Maryland studeer, waar hy in Mei 1993 sy B.Sc. cum laude behaal het.[4] Hy het daarna rekenaarwetenskap aan die Stanford-universiteit studeer.

Ontwikkeling van Google[wysig | wysig bron]

Tydens ’n oriëntasie vir nuwe studente aan Stanford het hy Larry Page ontmoet. Nadat hulle aanvaklik oor alles verskil het, het hulle later mekaar se intellektuele sielemaats en goeie vriende geword. Saam met hulle die artikel "The Anatomy of a Large-Scale Hypertextual Web Search Engine" geskryf.

Hulle het koppe bymekaargesit en op goedkoop rekenaars in hul koshuiskamer ’n nuwe soekenjin ontwerp en getoets. Hulle het hul Ph.D.-studie opgeskop om heeltyd aan hul stelsel te werk. Hulle het geld bymekaargeskraap om hul beroemde motorhuis in Menlo Park, Kalifornië, te huur waar hulle Google sou ontwikkel en hul lewe vir goed sou verander.

Verwysings[wysig | wysig bron]

  1. "Dominic Lawson: More migrants please, especially the clever ones", The Independent, VK, 11 Oktober 2011
  2. Vise, David, en Malseed, Mark. The Google Story, Delta Publ. (2006)
  3. 3,0 3,1 3,2 Malseed, Mark (February 2007). “The Story of Sergey Brin”. Moment Magazine.
  4. Brin, Sergey (7 Januarie 1997). "Resume". Verkry op 9 Maart 2008. 

Eksterne skakels[wysig | wysig bron]