Severus Alexander

in Wikipedia, die vrye ensiklopedie
Jump to navigation Jump to search
Severus Alexander
Keiser van die Romeinse Ryk
Louvre
Louvre
Regeer 13 Maart 222-235
Volle naam Marcus Aurelius Severus Alexander
Gebore 1 Oktober 208 Arca Caesarea (Libanon)
Oorlede Maart 235 Mogontiacum
Voorganger Elagabalus
Opvolger Maximinus I Thrax
Vorstehuis Severiese dinastie
Moeder Julia Mamaea

Severus Alexander, gebore as Gessius Bassianus Alexianus was keiser van die Romeinse Ryk van 222 - 235.

Severus Alexander is net 13 jaar oud toe sy neef en voorganger, die eksentrieke Elagabalus vermoor word. Dis eers sy grootmoeder Julia Maesa en na haar dood (223?) sy moeder Julia Mamaea wat die Romeinse Ryk regeer. Die eerste jare is dit vrede en gaan dit goed, hoewel die soldate dalk liewer 'n sterk man as leier sien. Daar vind in die Persiese buurland egter groot veranderings plaas. Die Parthiese heersers word in 227 deur die Sassaniede verdryf, onder leiding van Ardashir I wat 'n sjah met groot ambisies is. Die keiser se militêre resultate teen Ardashir in die ooste (233) kan dalk 'n gelykspel genoem word, maar nie 'n oorwinning nie. Aan die Germaanse grens dreig ook oorlog en die jong keiser en sy ma trek skielik na Moguntiacum (Mainz). Pleks van die Germane aan te val, wat die soldate verwag, probeer die keiser om hulle om te koop. Die soldate beskou hom as nie geskik vir sy posisie nie en vermoor sy ma en homself.

Maximinus Thrax wat 'n soldaat met 40 jaar ervaring, maar min opleiding is, word die nuwe keiser en dit beteken die begin van die tyd van die soldatekeisers en die krisis van die derde eeu.[1]

Sien ook[wysig | wysig bron]

Verwysings[wysig | wysig bron]