Shinkansen

in Wikipedia, die vrye ensiklopedie
Spring na: navigasie, soek
'n Ry JR East Shinkansentreine by Niigata Depot, Oktober 2012
'n Paar JR West Shinkansentreine, Oktober 2008

Die Shinkansen (新 幹線) is 'n groot netwerk hoëspoedspoorlyne wat deur vier Japan Railways Group maatskappye in Japan bedryf word. Die netwerk, wat die modernste ontwerpe van hoëspoedtreine dra, het begin met die Tōkaidō Shinkansen (515.4 km, 320.3 myl) in 1964,[1] is deurlopend uitgebrei en bestaan tans uit 2 616 km (1 625 myl) se lyne met 'n maksimumspoed van 240-320 km/h (150-200 mpu), 283.5 km (176.2 myl) van Mini-Shinkansen lyne met 'n maksimum snelheid van 130 km/h (80 mpu), en 10.3 km (6.4 myl) se sylyne met Shinkansen dienste.[2]

Die netwerk verbind die meeste groot stede op die eilande van Honsjoe en Kyushu, met die konstruksie van 'n verbinding na die noordelike eiland Hokkaido byna voltooi. Die bynaam "bullet train" word soms in Engels gebruik vir hierdie hoëspoed treine.

Prestasies en statistiek[wysig | wysig bron]

Die maksimum bedryfspoed is 320 km/h (200 mpu) (op 'n 387.5 km gedeelte van die Tōhoku Shinkansen).[3] Toetsritte het wel 443 km/h (275 mpu) behaal op konvensionele spoorlyn in 1996, en 'n wêreldrekord van 603 km/h (375 mpu) vir maglev treine in April 2015.[4]

Die Tokaido Shinkansen is die wêreld se besigste hoëspoed spoorlyn. Dit vervoer 151 miljoen passasiers per jaar (Maart 2008) [5] en het meer passasiers vervoer (meer as 5 miljard, hele netwerk oor die 10 miljard)[5]as enige ander hoëspoedlyn in die wêreld. Tussen Tokio en Osaka, die twee grootste metropole in Japan, loop tot dertien treine per uur met sestien waens elk ('n 1323-sitplek kapasiteit) in beide rigtings met 'n minimum van drie minute tussen treine. Hoewel grootliks 'n langafstandvervoerstelsel, bedien die Shinkansen ook pendelaars wat vanaf afgeleë stede werk toe reis in die metropolitaanse gebiede.

Japan se Shinkansen-netwerk het die hoogste jaarlikse passasiersgetalle ('n maksimum van 353 miljoen in 2007) van enige hoëspoed-spoornetwerk tot 2011, toe Sjina se hoëspoed-spoornetwerk dit oortref het met 370 miljoen passasiers per jaar. [6]

Verwysings[wysig | wysig bron]

  1. "About the Shinkansen Outline". JR Central. Maart 2010. Verkry op 2 Mei 2011. 
  2. "JR-EAST:Fact Sheet Service Areas and Business Contents" (PDF). East Japan Railway Company. Verkry op 30 April 2011. 
  3. "Tohoku Shinkansen Speed Increase: Phased speed increase after the extension to Shin-Aomori Station". East Japan Railway Company. 6 November 2007. Verkry op 2 Mei 2011. 
  4. "Japan's maglev train breaks world speed record with 600km/h test run". The Guardian. United Kingdom: Guardian News and Media Limited. 21 April 2015. Verkry op 21 April 2015. 
  5. "KTX vs 新幹線 徹底比較". Whhh.fc2web.com. Verkry op 17 Augustus 2015. 
  6. "China High Speed Train Development and Investment". Thechinaperspective.com. 20 November 2012. Verkry op 17 Augustus 2015. 
TGV Hoëspoedtreine
Acela Express | Aérotrain | AGV | AVE | Eurostar | Eurostar Italia | Flytoget | Gautrein | InterCityExpress | JR-Maglev MLX01
Magneetsweeftreine | Pendolino | Sapsan |Shinkansen | Singapoerse MRT | TGV | Thalys | Treno Alta Velocità | Transrapid | X 2000