Simposium

in Wikipedia, die vrye ensiklopedie
Spring na: navigasie, soek
'n Griekse symposion (fresko, 475 v.C. - Paestum-museum, Italië)

Die Latynse term simposium word afgelei van die Ou-Griekse woord symposion wat eintlik "gasmaal" beteken. Gewoonlik was dit 'n byeenkoms van mans om saam te dineer en na musiek te luister. Vroue (veral die sogenaamde hetairai) was wel toegelaat om die mans te vermaak en byvoorbeeld as dansers op te tree. Teen die einde van die gasmaal is politieke en ander aangeleenthede bespreek. Op sommige Griekse vase word tonele van simposia afgebeeld; hulle verduidelik dat 'n simposium hom nie noodsaaklik op 'n ernstige manier moes afspeel nie. Die kottabos-spel waarby die res wyn in 'n glas byvoorbeeld gebruik is om pierings te sink was 'n gewilde wedstryd tydens die fees.

In die moderne taalgebruik is die simposium 'n byeenkoms van wetenskaplikes en deskundiges om vraagstukke van 'n bepaalde vakgebied te bespreek, of 'n reeks boeke of tydskrifte wat 'n bepaalde wetenskaplike onderwerp behandel.

Symposion is ook die titel van 'n dialoog van Plato waarin hy die liefde behandel.