Sinchroniese wentelbaan

in Wikipedia, die vrye ensiklopedie
Jump to navigation Jump to search

’n Sinchroniese wentelbaan is ’n wentelbaan waarin die wentelende liggaam (gewoonlik ’n satelliet) ’n wentelperiode het wat presies dieselfde is as die rotasieperiode van die liggaam waarom dit wentel (gewoonlik ’n planeet), en sy wentelrigting is dieselfde as die ander liggaam se rotasierigting.[1]

Eenvoudiger gestel, is dit wanneer ’n wentelende voorwerp soos ’n satelliet of maan dieselfde tyd neem om een omwenteling om ’n ander liggaam soos ’n planeet te voltooi as wat die planeet neem om een rotasie te voltooi (en in dieselfde rigting).

Eienskappe[wysig | wysig bron]

’n Satelliet wat in ’n ronde sinchroniese wentelbaan om ’n planeet se ewenaar is, sal dus op ’n uitkykpunt op die ewenaar lyk of dit bewegingloos is. ’n Sinchroniese wentelbaan hoef egter nie om die ewenaar óf rond te wees nie. ’n Satelliet in ’n sinchroniese wentelbaan wat nie om die ewenaar beweeg nie, sal lyk of dit noord- en suiwaarts skommel by ’n punt op die ewenaar, terwyl ’n satelliet in ’n ovaalvormige wentelbaan sal lyk of dit oos- en weswaarts skommel. Soos van die planeet af gesien, sal die kombinasie van hierdie twee bewegings ’n figuur 8-patroon vorm bekend as ’n analemma.

’n Sterrekundige voorbeeld van ’n sinchroniese wentelbaan is die maan Charon se wentelbaan om Pluto.[2] Baie algemener is die wentelbane van kunsmatige satelliete om planete.

Sien ook[wysig | wysig bron]

Verwysings[wysig | wysig bron]

  1. Holli, Riebeek (2009-09-04). "Catalog of Earth Satellite Orbits : Feature Articles". earthobservatory.nasa.gov (in Engels). Besoek op 2016-05-08.
  2. S.A. Stern (1992). "The Pluto-Charon system". Annual Review of Astronomy and Astrophysics. 30: 190. Bibcode:1992ARA&A..30..185S. doi:10.1146/annurev.aa.30.090192.001153. Charon's orbit is (a) synchronous with Pluto's rotation and (b) highly inclined to the plane of the ecliptic.

Skakels[wysig | wysig bron]