Groothertog Michail Aleksandrowitsj van Rusland

Groothertog Michail

Groothertog Michail Aleksandrowitsj van Rusland (Russies: Михаил Александрович Романов) (Tsarskoje Selo 4 Desember 1878 – naby Perm 13 Junie 1918) was die jongste seun van Tsaar Alexander III van Rusland.

Teen die tyd van sy geboorte was sy oupa aan sy vaderskant (Alexander II) die Tsaar van die hele Rusland. Michail was vierde-in-lyn na die troon agter sy vader en sy ouer broers Nikolaas II en George. Na die sluipmoord van sy oupa in 1881 word hy derde-in-lyn en in 1894 na die dood van sy vader, tweede-in-lyn. Sy broer George is in 1899 oorlede. Michail word dus vermoedelike- erfgenaam na die troon. Die geboorte van Nikolaas se seun Aleksei in 1904 skyf Michail tydelik terug na tweede-in-lyn, maar Alexei het die bloedstolling versteuring hemofilie geërf en is nie verwag om te leef nie. Toe Nikolaas op 15 Maart 1917 abdikeer is Michail aangewys as sy opvolger in plaas van Aleksei. Michail het egter die aanvaarding van die troon uitgestel tot die bekragtiging deur 'n verkose vergadering. Hy was nooit as tsaar bevestig nie en na aanleiding van die Russiese Rewolusie van 1917 is hy gevange geneem en op 13 Junie 1918 naby Perm vermoor.

Gegee dat hy nooit geregeer het nie is sy broer, Nikolaas II, beskou as die laaste werklike, of de facto Tsaar van Rusland. Michail het grootliks ‘n vergete voetnoot van die geskiedenis geword. Hy is soms deur historici na verwys as Michail II die laaste Tsaar van Rusland.

Verwysings

Hierdie artikel is merendeels vertaal vanaf die Engelse Wikipedia-artikel [1]